Isaias 17:12 - Marahay na Bareta Biblia

¹² Nagkakariribok an mga mapangyaring nasyon; an ribok ninda arog sa hagubohob kan dagat, arog sa hampak nin dakulang mga alon.

Isaias 17:12 ပူးပေါင်းရင်းမြစ်များ

Salmo 18:4

Napalibotan ako kan mga pisi nin kagadanan; duminagsa sako an mga alon nin pagkaraot.

Salmo 29:3

An tingog nin Kagurangnan nasa ibabaw nin katubigan; minadaguldol an Dios nin kamurawayan, an Kagurangnan, sa ibabaw nin mga katubigan.

Salmo 83:2

Uya, nagriribok an saimong mga kaiwal; nagrerebelde an mga naoongis saimo.

Isaias 13:4

Dangoga an ribok sa kabukidan—an ribok nin kadakul na tawo, nin mga nasyon asin mga kahadean na nagtitiripon. Inaandam kan Kagurangnan nin mga hukbo an saiyang hukbo sa pakilaban.

Isaias 28:17

An hustisya iyo an magigin metros na pansukol kan pundasyon, asin an katanosan iyo an magigin plumo.” An uran nin yelo iyo an maanod kan gabos na kaputikan na sinasarigan nindo, asin raraoton kan baha an saindong pinagtatagoan.

Isaias 54:17

Alagad mayo nin armas na makakakulog saimo; magkakaigwa ka nin kasimbagan sa gabos na mag-akusar saimo. Susurogon ko an sakong mga sorogoon asin tatawan ko sinda nin kapangganahan.” An Kagurangnan an nagtaram.

Isaias 8:9

Magtiripon kamo huli sa takot, kamong mga nasyon! Pagdangog kamo, mga harayong kabtang kan kinaban. Mag-andam kamo sa pakilaban, alagad matakot kamo! Iyo, mag-andam kamo, alagad matakot kamo!

Isaias 9:5

An mga sapatos kan minasalakay na hukbo asin an gabos nindang nadugoan na gubing susuloon siring sa igatong.

Jeremias 6:23

Kapot na ninda an saindang mga pana saka mga espada; mga maringis sinda saka mayo nin pagkaherak. An saindang ribok kun sinda naglulunad sa mga kabayo garo an naghahagubohob na dagat. Nakaandam na sinda para sa gera laban sa Jerusalem.”

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Daniel 7:2

kan nahiling ko kan bangging idto: Naghuhuyop an doros hale sa apat na direksyon asin binubukag kaini an dagat.

Mikas 4:11

Dakul na nasyon an nagtiripon tanganing salakayon ka. Nagsasabi sinda, “Kaipuhan raoton an Jerusalem! Mahihiling ta an pagkaraot kan syudad na ini!”

Mga Bilang 10:35

Kun ilalakaw na an Kaban nin Tipan minasabi si Moises, “Pagtindog, O Kagurangnan; magkawararak logod an saimong mga kaiwal asin magdurulag an mga anggot saimo!”

Lukas 21:25

“Magkakaigwa nin mga tanda sa aldaw, sa bulan, asin sa mga bitoon. Sa daga, mawawaran nin paglaom an mga nasyon dahel sa kosog kan hagubohob kan dagat saka darakulang alon.

Kapahayagan 17:1

Dangan nagdolok sako an saro kan pitong anghel na may pitong mangko asin nagsabi, “Madya, ipapahiling ko saimo an padusa kan pinakamaraot na babae—an dakulang syudad na nakatugdok harani sa dakul na salog.

Kapahayagan 17:15

Nagsabi pa sako an anghel, “An nahiling mong mga tubig na natutukawan kan maraot na babae iyo an mga banwaan, mga katawohan, mga rasa asin mga lengwahe.