Isaias 17:11 - Marahay na Bareta Biblia

¹¹ Alagad maski magdahon saka mamurak an mga iyan sa mismong pagkaaga na itinanom mo, dai man giraray iyan magkakaigwa nin ani. Kasakitan saka dai nabobolong na kulog an mapapasaimo.

Isaias 17:11 ပူးပေါင်းရင်းမြစ်များ

An Libro ni Job 4:8

Siring sa sakong nahiling, an mga nag-aarado sa karatan asin nagtatanom nin kasakitan nag-aani man sana kaiyan.

Salmo 90:6

minatalubo pagkaaga asin minaburak; pagkabanggi naluluyos saka nagagadan.

Isaias 17:5

An Israel makakaarog sa sarong oma na bago pa sanang anihon an mga trigo, siring sa sarong oma sa Kapantayan nin Refaim pakatapos na anihan iyan.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Oseas 8:7

Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.

Oseas 9:16

An banwaan nin Israel nakakaagid sa sarong tinanom na naalang an mga gamot asin dai na nagbubunga. Dai sinda magkakaigwa nin mga aki, alagad maski pa magkaigwa sinda, gagadanon ko an mga aking namomotan nindang marahay.”

Joel 1:17

An mga banhi nagkakagaradan sa alang na daga. Mayo na nin trigong sasarayon, kaya nagkararaot an mga harong-harong na mayo nin laog.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Deuteronomio 28:39

Matanom kamo asin maataman nin mga ubas, alagad dai kamo makakakua nin bunga o makakainom nin arak hale diyan, huli ta kakakanon kan mga ulod an mga balagon.