Isaias 17:10 - Marahay na Bareta Biblia

¹⁰ Israel, nalingawan mo na an Dios nin saimong kaligtasan asin an Gapo na saimong pailihan. Embes kaiyan, nagtanom ka nin sagradong mga tatamnan tanganing magsamba sa sarong dayuhan na dios.

Isaias 17:10 ပူးပေါင်းရင်းမြစ်များ

1 Mga Cronica 16:35

Sabihon man nindo: “Ligtasan kami, O Dios nin samong kagligtas; tipona kami asin ligtasan sa mga nasyon, tanganing pasalamatan mi an saimong banal na ngaran saka magmuraway sa saimong kaomawan.

Salmo 106:13

Alagad nalingawan tolos ninda an saiyang mga gibo; dai na hinalat an saiyang hatol.

Salmo 106:21

Nalingawan ninda an Dios, an saindang Paraligtas, na naggibo nin dakulang mga bagay duman sa Egipto,

Salmo 18:2

An Kagurangnan iyo an sakong parasurog; sakong pailihan, sakong paratubos. An sakong Dios, gapo na sakong pailihan; sakong kalasag, sakong katabang, sakong bantayan.

Salmo 31:2

Dangoga ako asin tolos ligtasan! Ika logod an magin gapo kong pailihan, pusog na bantayan na maligtas sako.

Salmo 65:5

Sinisimbag mo kami huli sa pagtao samo nin kapangganahan, O Dios nin samong kaligtasan. Minasarig saimo an gabos na tawo sa gabos na poro nin daga, sagkod sa pinakaharayong mga dagat.

Salmo 79:9

Tabangi kami, O Dios nin samuyang kaligtasan, huli sa kamurawayan nin saimong ngaran. Ligtasan kami asin patawada an samong mga kasalan, huli kan saimong ngaran.

Salmo 85:4

Ibalik mo kami, O Dios nin samong kaligtasan; halea an saimong hinanakit sa samo.

Salmo 9:17

An kagadanan iyo an padudumanan kan gabos na maraot, kan gabos na nakakalingaw sa Dios.

Isaias 12:2

An Dios an sakong kaligtasan; magsasarig ako saiya asin dai matatakot, huli ta an Kagurangnan Dios iyo an sakong kosog asin awit; siya an sakong nagin kaligtasan.”

Isaias 17:9

Pag-abot kan aldaw na iyan, an mga pinapusog na syudad magigin siring sa mga mayong nag-eerok na mga syudad kan mga Heveo saka Amoreo—mga lugar na binarayaan kan mga namamanwaan sa pagdulag sa atubang nin Israel.

Isaias 18:5

Bago gunoon an mga ubas, kun an mga burak naghurulog na asin naghihinog na an mga ubas, gagadanon kan kaiwal an mga taga Etiopia siring sa pagputol nin sarong kutsilyo sa mga sanga nin balagon.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 26:4

Magsarig sa Kagurangnan sagkod lamang, huli ta an Kagurangnan Dios iyo an gapong mayong kataposan.

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 33:2

Kagurangnan, kaheraki kami. Sa saimo mi ibinugtak an samong paglaom.

Isaias 44:8

Dai kamo matakot, sakong banwaan! Aram nindo na poon pa kaidto sagkod ngunyan hinulaan ko na an gabos na mangyayari, asin kamo an sakong mga saksi. Igwa pa daw nin ibang Dios? Igwa daw nin mapangyaring dios na dai ko pa nadangog?”

Isaias 51:13

Nalingawan na nindo an Kagurangnan na naggibo saindo, na nag-unat kan kalangitan asin nagpamugtak kan pundasyon kan kinaban? Tadaw ta mamumuhay kamong danay na takot sa kaanggotan kan mga nag-aapi saindo, kan mga andam sa pagraot saindo? Dai na makakaduta saindo an saindang kaanggotan.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 62:11

na an Kagurangnan nagpapahayag sa bilog na kinaban: “Sabihi nindo an banwaan nin Jerusalem na an Kagurangnan madatong tanganing iligtas siya, kaibahan niya an ilinigtas niyang mga tawo.”

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 2:32

Malilingawan daw nin sarong daraga an saiyang mga alahas, o nin sarong nobya an saiyang gubing na pangkasal? Alagad nalingawan ako kan sakong banwaan sa halawig na panahon.

Jeremias 3:21

May nadangog na ribok sa mga alitoktok kan kabubuldan: iyan mga paghibi saka pagtangis kan banwaan nin Israel, huli ta namuhay sinda sa karatan asin an Kagurangnan na saindang Dios saindang nalingawan.

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Joel 1:17

An mga banhi nagkakagaradan sa alang na daga. Mayo na nin trigong sasarayon, kaya nagkararaot an mga harong-harong na mayo nin laog.

Levitico 26:16

papadusahan ko kamo. Papadarahan ko kamo nin kasakitan—mga helang na dai nararahay asin kalentura na mabuta saindo saka magpapahalipot kan saindong buhay. Magtatanom kamo, alagad dai iyan makakatabang saindo huli ta an saindong mga kaiwal iyo an makakan kan bunga kaiyan.

Levitico 26:20

Masasayang an gabos nindong paghihingowa huli ta dai magkakaigwa nin ani an saindong daga; dai man mamumunga an mga kahoy.

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Habakkuk 3:18

magigin maogma pa giraray ako asin magayagaya, huli ta an Kagurangnan Dios iyo an sakong paraligtas.

Sofonias 1:13

Sasamsamon an saindang kayamanan asin raraoton an saindang mga harong. Magtutugdok sinda nin mga harong alagad dai ninda maeerokan. Matanom sinda nin mga ubas alagad dai sinda makakainom kan arak hale diyan.”

Deuteronomio 28:30

“Magkakaigwa kamo nin katratong babae, alagad iba an maagom saiya. Mapatugdok kamo nin harong, alagad dai kamo maerok diyan. Matanom kamo nin ubas, alagad dai nindo mananamitan an mga bunga kaiyan.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Deuteronomio 32:18

Nalingawan ninda an Gapo nin saindang kaligtasan, an Dios na nagtao sainda nin buhay.

Deuteronomio 32:31

Naaaraman kan saindang mga kaiwal na maluya an saindang mga dios, bakong arog kakosog kan Dios nin Israel.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Deuteronomio 6:12

magmaan kamo ta tibaad malingaw kamo sa Kagurangnan na nagligtas saindo sa Egipto, saen kamo nagin mga oripon.

Deuteronomio 8:11

“Dai nanggad nindo paglingawan an Kagurangnan na saindong Dios; kuyogon nanggad nindo an gabos niyang togon saka pagboot na itinatao ko saindo ngunyan na aldaw.

Deuteronomio 8:14

dai nanggad kamo magpalangkaw asin makalingaw sa Kagurangnan na saindong Dios, na nagluwas saindo hale sa daga nin Egipto, saen kamo nagin mga oripon.

Deuteronomio 8:19

Dai kamo malingaw sa Kagurangnan na saindong Dios asin dai kamo maglingkod patin magsamba sa ibang mga dios. Kun gibohon nindo iyan, pinapatanidan ko kamo ngunyan na talagang magagadan kamo.