Isaias 16:8 - Marahay na Bareta Biblia

⁸ Huli ta nagkararaot an mga oma na harani sa Hesbon asin an mga ubasan nin Sibma—an mga ubasan na ginigikanan kan arak na nakakapaburat sa mga pamayo kan mga nasyon. Sarong panahon kaidto, an mga balagon nakakaabot sagkod sa syudad nin Jazer, asin sa kalangtadan sa sirangan, saka sa ibong kan Gadan na Dagat sa solnopan.

Isaias 16:8 ပူးပေါင်းရင်းမြစ်များ

2 Samuel 1:21

“Mayo logod nin uran o ambon na maghugpa sa kabubuldan nin Gilboa; danay logod na mayong magtalubo sa saiyang kaomahan! Huli ta nadigtaan duman an kalasag kan maiisog; an kalasag ni Saul dai na nagkikinang sa lana.

Isaias 10:7

Alagad igwa man nin sadiring plano an emperador nin Asiria. Boot niyang puhoon an dakul na nasyon.

Isaias 15:4

An mga taga Hesbon saka taga Eleale nagkukurahaw, asin an saindang kinurahaw nadadangog sagkod sa harayong lugar nin Jahaz. Maski an mga soldados tinatakigan; mayo na sindang kosog nin boot.

Isaias 16:9

Ngunyan naghihibi ako para sa mga balagon nin Sibma siring na ako naghihibi para sa Jazer. Nagtatagdo an sakong mga luha para sa Hesbon asin Eleale, huli ta mayo nang aanihon na makakapaogma sa mga tawo.

Isaias 24:7

Nagkakaaralang an mga balagon nin ubas, asin dikit-dikit na nawawara an arak. An mga maogma kaidto mamondo na ngunyan

Jeremias 48:32

Orog pa sa pagtangis ko para sa mga taga Jazer an gigibohon kong pagtangis para saindo, mga taga Sibma. Syudad nin Sibma, garo ka sarong balagon na an mga sanga nakalampas sa Gadan na Dagat asin nakaabot sa Jazer. Alagad ngunyan, rinaot na an mga bunga kan saimong mga kahoy saka mga ubas.

Mga Bilang 21:32

Dangan nagpadara si Moises nin mga espiya tanganing siyasaton an syudad nin Jazer. Nasakop ninda an Jazer sagkod an mga nakapalibot na banwa kaiyan. Pinalayas ninda an mga Amoreo na nag-eerok duman.

Mga Bilang 32:3

“An rehiyon na ini nasakop kan mga Israelita sa tabang nin Kagurangnan—an mga banwa nin Atarot, Dibon, Jazer, Nimra, Hesbon, Eleale, Sibma, Nebo, asin Beon—marahay na daga para sa mga hayop, asin dakul nin marahay an samong mga hayop.

Mga Bilang 32:35

Atrot-sofan, Jazer, Jogbeha,

Mga Bilang 32:38

Nebo, Baal-meon (rinibayan an ngaran na ini), asin an Sibma. Tinawan ninda nin bagong ngaran an mga banwa na saindang pinatindog giraray.

Josue 13:19

Kiriat-haim, asin an Sibma. Sakop man ninda an Zeret-sahar na nasa bulod kan kapantayan,

Josue 13:25

Sakop kan saindang teritoryo an Jazer asin an gabos na syudad kan Gilead, an kabanga kan daga nin Ammon sagkod sa Aroer, na nasa sirangan kan Rabba.