Isaias 16:5 - Marahay na Bareta Biblia

⁵ Dangan magigin hade an sarong kapagarakian ni David, asin pamamayohan niya an banwaan sa kaimbodan saka sa pagkamoot. Magigin marikas siya sa paggibo kan tama; bilang hukom, ipapahiling niya an hustisya.)

Isaias 16:5 ပူးပေါင်းရင်းမြစ်များ

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

1 Mga Hade 10:9

Pag-omawon an Kagurangnan na saimong Dios, na nawiwili saimo asin nagpapatukaw saimo sa trono nin Israel! Huli ta namomoot sa Israel sagkod lamang an Kagurangnan, ginibo ka niyang hade tanganing papagdanayon mo an hustisya saka an katanosan.”

2 Mga Cronica 31:20

Sa bilog na Juda, ginibo ni Hadeng Ezekias an matanos saka an nawiwilihan nin Kagurangnan na saiyang Dios.

Salmo 85:10

An pagkamoot asin an pagkamaimbod magtutuparan; an katanosan asin an katoninongan maghahadokan.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Salmo 96:13

sa atubang nin Kagurangnan, huli ta siya minadatong, huli ta siya minadatong tanganing hukoman an daga. Huhukoman niya an kinaban sa katanosan, asin an mga banwaan, sa saiyang katotoohan.

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Mga Talinhaga 20:28

Magdadanay na pusog an trono kan hade kun maghahade siya sa katotoohan, kaimbodan, asin sa katanosan.

Mga Talinhaga 29:14

Kun sinusurog kan hade an deretso kan dukha, maghahade siya sa halawig na panahon.

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 55:4

Ginibo ko siyang lider asin pamayo nin mga nasyon, dangan sa paagi niya ipinahiling ko sainda an sakong kapangyarihan.

Daniel 7:14

Tinawan siya nin awtoridad, onra saka kapangyarihan na maghade, tanganing paglingkodan siya kan mga tawo sa gabos na nasyon, rasa asin lengwahe. Magdadanay an saiyang awtoridad, asin mayo nin kataposan an saiyang kahadean.

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.