Isaias 16:3 - Marahay na Bareta Biblia

³ Minasabi sinda sa mga taga Juda, “Sabihi kami kun ano an samong dapat na gibohon. Suroga kami siring sa sarong kahoy na nagtatao nin malipot na lindong kun odto, asin tugote kaming magpahingalo sa saindong limpoy. Nakadulag kami sa mga naglalamag samo; tagoa kami sa lugar na mayo nin makakakua samo.

Isaias 16:3 ပူးပေါင်းရင်းမြစ်များ

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Isaias 25:4

Huli ta nagin bantayan ka para sa mga dukha saka sa mga nangangaipo; limpoy sa init asin pailihan sa bagyo. Siring sa sarong bagyo na minatama sa lanob an pagsalakay kan mga makuring tawo,

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 56:8

An Kagurangnan Dios, na nagdara pabalik kan saiyang banwaan hale sa pagkatapokan, nangako na dadarahon pa niya an ibang tawo tanganing makaiba kan saiyang banwaan.

Isaias 58:7

Hirasan nindo nin pagkakan an mga nagugutom asin pasakaton nindo sa saindong mga harong an mga dukhang mayo nin harong. Tawan nindo nin gubing an mga mayo, asin dai kamo magsayuma sa pagtabang sa saindong mga kadugo.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Zacarias 7:9

“Haloy nang panahon, itinao ko an mga pagboot na ini sa sakong banwaan: ‘Papangyarihon nindo an hustisya, asin magin maboot saka maheherakon kamo sa lambang saro.

Mateo 25:35

Huli ta kan ako nagutom pinakakan nindo; kan ako napaha pinainom nindo; kan ako dayuhan pinadagos nindo;

Hebreyo 13:2

Padagoson nindo sa saindong harong an mga dayuhan, huli ta an ibang naggibo kaiyan, nakapadagos nin mga anghel na dai ninda aram.

Hukom 9:15

Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’