Isaias 16:14 - Marahay na Bareta Biblia

¹⁴ Alagad nagsasabi ngunyan an Kagurangnan, “Sa laog sana nin tolong taon, mawawara an dakulang kayamanan nin Moab. Sa kadaklan kan saiyang namamanwaan, kadikit sana an matatada, asin an mga ini magigin maluya.”

Isaias 16:14 ပူးပေါင်းရင်းမြစ်များ

Genesis 31:1

Nadangog ni Jacob na ipinapamareta kan mga aking lalaki ni Laban na, “Kinua ni Jacob an gabos na sadiri kan samong ama. An gabos niyang yaman gikan sa sadiri kan samong ama.”

Esther 5:11

Ipinaghambog niya sainda an saiyang kayamanan, an dakul niyang mga aking lalaki, an haralangkaw na mga katongdan na itinao saiya kan hade asin an pagigin mas mahalaga niya ki sa ibang mga opisyal.

An Libro ni Job 14:6

Dai mo siya paghilingon asin pabayaan mo sana siya; tanganing arog sa parapatandan, mag-ogma siya sa saiyang pagkabuhay.

An Libro ni Job 7:1

“An buhay nin tawo nakakaarog sa pirit na paglingkod sa hukbo, arog sa buhay nin sarong parapatandan,

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 16:13

Iyo iyan an mensahe na itinao nin Kagurangnan dapit sa Moab.

Isaias 17:4

Nagsabi an Kagurangnan, “Maabot an aldaw na matatapos an kadakulaan nin Israel, asin an kayamanan kaiyan mariribayan nin kadukhaan.

Isaias 21:16

Dangan sinabihan ako nin Kagurangnan, “Sa laog sana nin sarong taon, mapapara an kamurawayan kan mga tribu nin Kedar.

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 25:10

Susurogon nin Kagurangnan an Bukid nin Sion, alagad titimaktimakan niya an mga taga Moab, siring kan pagtimaktimak sa dagami sa tapokan nin odo.

Isaias 25:11

Uunaton ninda an saindang mga kamot na garo naghihingowang maglangoy, alagad sosopogon sinda nin Dios, asin mag-iirarom an saindang mga kamot.

Isaias 7:16

Alagad bago dumatong an panahon na iyan, mayo nang mag-eerok sa daga kan duwang hade na kinatatakotan mo.

Jeremias 48:42

Raraoton an Moab asin dai na iyan magigin sarong nasyon, huli ta nagrebelde sinda tumang sako.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Deuteronomio 15:8

Maherak kamo saiya dangan pautangon nindo siya kan gabos niyang kaipuhan.