Isaias 16:10 - Marahay na Bareta Biblia

¹⁰ Mayo nang paraoma ngunyan na naoogma sa matubang na mga oma. Mayo nang nagkukurahaw o nag-aawit sa mga ubasan. Mayo nang magtitimaktimak nin mga ubas sa paggibo nin arak; mayo na an mga kinurahaw nin kaogmahan.

Isaias 16:10 ပူးပေါင်းရင်းမြစ်များ

An Libro ni Job 24:11

Sa mga kaolibahan kan mga maraot nagigibo sinda nin lana; nagpupuga sinda kan mga ubas, alagad nagtitios sinda nin paha.

Isaias 24:11

Nagkukurahaw an mga tawo sa mga tinampo huli ta mayo na nin arak. Sagkod pa man mayo nang kaogmahan; nawara na iyan sa daga.

Isaias 32:10

Pwedeng nagkakaigwa na kamo nin kapanoan ngunyan, alagad sa siring kaining panahon sa sunod na taon, mawawaraan kamo nin paglaom huli ta mayo na kamong ubas na aanihon.

Jeremias 48:33

Pinara na an kagayagayahan asin kaogmahan sa matubang na daga nin Moab. Pinaontok ko na an pagbulos kan arak sa mga pugaan nin ubas; mayo na nin magibo nin arak saka makurahaw huli sa kaogmahan.

Ezekiel 7:7

Nagdadangadang na an kataposan para sa mga nag-eerok sa daga. Harani na an oras na dai na magkakaigwa nin mga maoogmang pagtiripon sa kabukidan, kundi kariribokan.

Joel 1:12

Nagkaruluyos na an mga poon nin ubas saka an mga kahoy na higera; nagkaruluyos dangan nagkagaradan an gabos na kahoy na namumunga. An kaogmahan kan mga tawo nawara man.

Amos 5:11

Inapi nindo an mga dukha saka hinabonan kan saindang kakanon, kaya dai kamo mag-eerok sa pinatindog nindong magayon na mga harong na gibo sa gapo, ni mag-iinom kan arak hale sa magagayon nindong ubasan.

Amos 5:17

Magkakaigwa man nin pagtangis sa mga ubasan huli ta madatong ako sa pagpadusa saindo.” An Kagurangnan an nagtaram.

Amos 9:13

An Kagurangnan nagtataram, “Maabot an panahon na mas marikas an pagtalubo kan trigo ki sa pag-ani kaiyan, asin an pagtalubo kan ubas ki sa paggibo nin arak. An kabukidan magtatagdo nin mahamis na arak, asin magbubulos nin arak an kabubuldan.

Sofonias 1:13

Sasamsamon an saindang kayamanan asin raraoton an saindang mga harong. Magtutugdok sinda nin mga harong alagad dai ninda maeerokan. Matanom sinda nin mga ubas alagad dai sinda makakainom kan arak hale diyan.”

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.