Isaias 15:5 - Marahay na Bareta Biblia

⁵ Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 15:5 ပူးပေါင်းရင်းမြစ်များ

Genesis 13:10

Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Genesis 14:2

na nakigera sa lima pang hade na si Bera kan Sodoma, Birsa kan Gomorra, Sinab kan Adma, Semeber kan Zeboiim asin sa hade kan Bela (o Zoar.)

Genesis 19:22

Alagad maghidali ka, huli ta dai akong magiginibo sagkod na dai ka pa nakakaabot duman.” Kaya an lugar nginaranan Zoar huli ta inapod ini ni Lot na sadit.

2 Samuel 15:23

Naghibi nin makosog an mga tawo kan maghale an mga parasunod ni David. Binalyo kan hade an sapa nin Kidron, kasunod kan saiyang mga tawohan dangan iriba sindang nagpasiring sa kalangtadan.

2 Samuel 15:30

Alagad naghihibi na nagtukad si David sa Bukid nin mga Oliba; nakabitis sana siya asin may tahob an payo bilang tanda nin pagmondo. An gabos na nagsunod saiya nagtahob man kan saindang payo asin naghibi.

Isaias 16:14

Alagad nagsasabi ngunyan an Kagurangnan, “Sa laog sana nin tolong taon, mawawara an dakulang kayamanan nin Moab. Sa kadaklan kan saiyang namamanwaan, kadikit sana an matatada, asin an mga ini magigin maluya.”

Isaias 22:5

Iyo ini an panahon nin katakotan, pagkadaog, asin nin pagkaribong sa Kapantayan nin Bisyon na ipinadara sato kan Makakamhan na Kagurangnan Dios nin mga hukbo. Nagaba na an kudal kan samong syudad, asin an agrangay sa paghagad nin tabang nadadangog sa kabubuldan.

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 4:20

Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Jeremias 48:3

Nagkukurahaw an mga taga Horonaim, ‘Kadahasan! Panggagaba!’

Jeremias 48:5

Dangoga an saindang pagsiloksigok, mantang patukad sinda sa Luhit, asin an saindang mga inagrangay mantang palugsot sinda sa Horonaim.

Jeremias 50:46

Sa ribok kan pagbagsak kan Babilon, makonogkonog an bilog na daga, asin an saiyang kinurahaw huli sa takot madadangog kan ibang mga nasyon.”

Jeremias 9:10

Nagsabi ako, “Magmomondo ako para sa kabukidan asin magtatangis para sa mga pasabsaban, huli ta aralang na sinda, asin mayo na nin nag-aagi sainda. An inungal kan mga hayop dai na nadadangog; an mga gamgam saka mga lalaw na hayop nagdurulag saka nagharale na.”

Mga Bilang 21:29

Herak man saimo, O Moab! Ini an saimong kataposan, O banwaan nin Kemos! Pinabayaan niyang magin paradulag an saiyang mga aking lalaki Asin an mga aking babae nagin bihag kan hadeng Amoreo.