Isaias 15:2 - Marahay na Bareta Biblia

² An mga taga Dibon minasarakat sa itaas kan bulod tanganing magtangis sa paganong mga lugar na pagsasambahan. Sa kamondoan, tatangisan kan mga taga Moab an mga syudad nin Nebo saka Medeba; inaris ninda an buhok sa saindang mga payo asin barabas sa kamondoan.

Isaias 15:2 ပူးပေါင်းရင်းမြစ်များ

2 Samuel 10:4

Kaya dinakop ni Hanun an mga sinugo ni David, inahit an kabanga kan saindang mga barabas, pinutol sa may piad an saindang mga gubing, dangan pinahale sinda.

1 Mga Cronica 19:4

Kaya dinakop ni Hanun an mga sinugo ni David, inahit an saindang barabas, pinutol sa may piad an saindang mga gubing, dangan pinahale sinda.

An Libro ni Job 1:20

Dangan nagtindog si Job asin ginisi an saiyang gubing sa kamondoan. Inaris niya an buhok sa saiyang payo dangan nagdapa siya sa daga.

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 15:3

An mga tawo sa tinampo nakagubing nin sako; sa mga plasa asin sa atop nin mga harong, naghihibi saka nagmomondo an mga tawo.

Isaias 16:12

Pinapagal kan mga taga Moab an saindang sadiri sa pagsakat pasiring sa paganong mga lugar na pagsasambahan saka sa saindang mga templo sa pagpamibi, alagad dai iyan makakatabang sainda.

Isaias 16:7

Maghihibi an mga taga Moab huli sa kasakitan na saindang tinitios. Gabos sinda maghihibi sa oras na magiromdoman ninda an mga masiram na pagkakan na dati nindang kinakakan sa syudad nin Kir-heres. Mawawaraan sinda nin paglaom.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Jeremias 3:21

May nadangog na ribok sa mga alitoktok kan kabubuldan: iyan mga paghibi saka pagtangis kan banwaan nin Israel, huli ta namuhay sinda sa karatan asin an Kagurangnan na saindang Dios saindang nalingawan.

Jeremias 47:2

An sabi niya: “Hilinga! An katubigan nag-iitaas sa amihan saka magsusupay iyan arog kan nagbabahang salog. Malalantopan kaiyan an daga asin an gabos na yaon diyan, an mga syudad saka an mga tawo na nag-eerok diyan. Mahagad nin tabang an mga tawo; mapait na magtatangis an lambang nag-eerok sa kinaban.

Jeremias 47:5

Dakulang kamondoan an nag-abot sa mga taga Gaza, asin dai nagkakaalo an mga taga Askelon. Sagkod nuarin magmomondo an mga natada sa mga Filisteo?

Jeremias 48:1

Iyo ini an itinaram nin Kagurangnan nin mga hukbo manongod sa Moab: “Herak man sa mga taga Nebo— rinaot na an saindang banwa! Nasakop na an Kiriataim, rinumpag an makosog kaining bantayan asin pinasopog an mga namamanwaan;

Jeremias 48:18

Kamong nag-eerok sa Dibon, bumaba kamo hale sa saindong kamurawayan saka magtukaw kamo sa matagas na daga; uya na an marumpag kan Moab asin binayaan niyang raot an mga bantayan.

Jeremias 48:31

Kaya maghahaya ako para sa mga taga Moab asin para sa mga taga Kir-heres.

Jeremias 48:35

Papaonton ko an mga tawo sa Moab sa pagdolot nin mga sakripisyo sa paganong mga lugar na pagsasambahan asin an pagtutong nin insenso para sa saindang mga dios-dios. Ako, an Kagurangnan, an nagtaram.

Jeremias 49:3

Magtangis kamo, mga taga Hesbon, huli ta rinaot na an Ai! Magmondo kamo, kababaehan nin Rabba! Magsulot kamo nin sako asin manambitan. Magdaralagan kamo sa karibongan. Bibihagon an saindong dios-dios na si Milcom, kaiba an saiyang mga padi saka mga prinsipe.

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Ezekiel 27:31

Inaaris ninda an saindang buhok asin naggugubing nin sako, mamondo sinda, mantang nagtatangis para saimo.

Ezekiel 30:2

“Aki nin tawo, magpropesiya ka asin ipahayag mo na ini an itinataram ko, an Kagurangnan Dios: Sarong aldaw na makatakot an nagdadangadang!

Ezekiel 7:18

Magubing sinda nin sako, asin matatakot nin labi-labi. Aarisan ninda an saindang payo asin masosopog sinda gabos.

Levitico 13:40

Kun an sarong lalaki mawaraan nin buhok sa saiyang payo o sa saiyang angog, kalbo siya o angas, alagad malinig.

Levitico 21:5

“Dai nin siisay man na padi na mag-aris kan arin man na parte kan saiyang payo o magputol kan saiyang barabas o maglugad kan saiyang hawak sa pagpahiling na siya nagmomondo.

Amos 8:10

An saindong mga pyesta magigin mga aldaw nin kamondoan, asin an saindong magayagayang mga awit magigin mga panambitan. Gigibohon kong mapiritan kamong mag-aris kan saindong payo saka maggubing nin sako. Magigin arog kamo sa mga magurang na nagmomondo huli sa pagkagadan kan solo nindang aking lalaki. Magigin mapait sagkod sa kataposan an aldaw na iyan.

Mga Bilang 21:28

Hale sa syudad nin Hesbon luminuwas siring sa kalayo an hukbo ni Sihon, Asin ginaba kaiyan an syudad nin Ar sa Moab. Hinalon an mga kagurangnan kan kabubuldan nin Arnon.

Mga Bilang 21:30

Kaya naubos an saiyang kapagarakian magpoon sa Hesbon sagkod sa Dibon Magpoon sa Nasim sagkod sa Nofa, harani sa Medeba.”

Mga Bilang 32:3

“An rehiyon na ini nasakop kan mga Israelita sa tabang nin Kagurangnan—an mga banwa nin Atarot, Dibon, Jazer, Nimra, Hesbon, Eleale, Sibma, Nebo, asin Beon—marahay na daga para sa mga hayop, asin dakul nin marahay an samong mga hayop.

Mga Bilang 32:38

Nebo, Baal-meon (rinibayan an ngaran na ini), asin an Sibma. Tinawan ninda nin bagong ngaran an mga banwa na saindang pinatindog giraray.

Deuteronomio 14:1

“Kamo an banwaan nin Kagurangnan na saindong Dios. Kaya kun kamo magmondo para sa gadan, dai nindo paglugadan an saindong hawak o pag-arisan an saindong angog siring kan ginigibo nin iba.

Deuteronomio 34:1

Hale sa kapatagan nin Moab, nagtukad si Moises sa Bukid nin Nebo, pasiring sa alitoktok kan Bukid nin Pisga, sa sirangan nin Jerico. Duman ipinahiling saiya nin Kagurangnan an bilog na daga: an teritoryo kan Gilead sagkod sa amihan sa banwa nin Dan;