Isaias 14:5 - Marahay na Bareta Biblia

⁵ Tinapos na nin Kagurangnan an kapangyarihan kan maraot na mga pamayo,

Isaias 14:5 ပူးပေါင်းရင်းမြစ်များ

Salmo 125:3

Huli ta an mga tampalasan dai maghahade sa daga na ipinamana sa mga matanos, ta tibaad sagkod an mga matanos maggibo nin karatan.

Mga Talinhaga 28:15

Arog sa nag-uungal na leon o sa nagugutom na oso an hade na maringis sa mga dukha.

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 14:4

Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Isaias 14:6

na sa kaanggotan nang-api nin mga banwaan asin dai nag-ontok sa pagpasakit sa mga nasyon na sinakop ninda.

Isaias 9:3

Tinawan mo sinda nin dakulang kaogmahan, Kagurangnan; pinaogma mo sinda. Naoogma sinda sa saimong ginibo, siring na naoogma an mga tawo kun sinda nag-aani o kun sinda naghihiras kan mga sinamsam.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Mga Panambitan 1:21

“Dangoga an sakong inagrangay; mayo nin nagraranga sako. Naoogma an mga kaiwal ko kan madangog an mga kasakitan na ipinadara mo sako. Paabota na an aldaw na saimong panuga, asin arog sako pasakitan mo man an mga kaiwal ko.

Habakkuk 1:17

Gagamiton daw ninda sagkod pa man an saindang mga espada asin magpapadagos sinda sa mayong herak na panraraot nin mga nasyon?