Isaias 14:4 - Marahay na Bareta Biblia

⁴ Kun gibohon na niya ini, pag-oolog-ologon kan mga Israelita an hade nin Babilonia asin magsasarabi: “Buminagsak na an makuring hade! Dai na nanggad siya makakaapi sa kiisay man!

Isaias 14:4 ပူးပေါင်းရင်းမြစ်များ

2 Mga Cronica 36:18

Sinamsaman kan hade nin Babilonia an Templo nin Kagurangnan; dinara niya sa Babilon an gabos na kayamanan sa Templo, siring man an kayamanan kan hade asin kan mga opisyal kaini.

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 14:17

Bakong rinaot niya an mga syudad, asin ginibong kalangtadan an kinaban? Bakong iyo ini an dai nanggad nagpatalingkas nin mga bilanggo o nagpapuli sa sainda?”

Isaias 14:5

Tinapos na nin Kagurangnan an kapangyarihan kan maraot na mga pamayo,

Isaias 14:6

na sa kaanggotan nang-api nin mga banwaan asin dai nag-ontok sa pagpasakit sa mga nasyon na sinakop ninda.

Isaias 16:4

Tugotan nindo kaming makihimanwa saindo. Suroga kami sa mga boot gumadan samo.” (An pang-api saka an panggadan matatapos, asin mawawara an mga nagraraot kan daga.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 47:5

Sinasabihan nin Kagurangnan an Babilon, “Tumukaw ka asin dai ka maggirong diyan sa diklom; dai ka na aapodon na reyna nin mga nasyon!

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 51:13

Nalingawan na nindo an Kagurangnan na naggibo saindo, na nag-unat kan kalangitan asin nagpamugtak kan pundasyon kan kinaban? Tadaw ta mamumuhay kamong danay na takot sa kaanggotan kan mga nag-aapi saindo, kan mga andam sa pagraot saindo? Dai na makakaduta saindo an saindang kaanggotan.

Isaias 51:23

Itatao ko iyan sa mga tawong nag-api saindo, sa mga nagpahigda saindo sa tinampo asin nagtimaktimak saindo na garo ati kamo.”

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 48:17

“Magmondo kamo para sa nasyon na iyan, kamo na nag-eerok sa harani niya, kamo gabos na nakakaaram kan saiyang kabantogan. Sabihon nindo, ‘Pinutol na an mapangyari niyang paghahade; mayo na an saiyang kosog asin kamurawayan.’

Mga Panambitan 4:1

Nag-itom na nin marahay an dating nagkikinang na bulawan! An mga gapo kan Templo nagkawararak na sa mga tinampo.

Ezekiel 5:15

“Sa panahon na naaanggot ako saimo dangan padusahan taka, matatakot an gabos na nasyon sa palibot mo; pagtutuyatuyaon ka saka pagngingisihan ninda.

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.

Kapahayagan 18:16

asin masabi, “Makangingirhat! Makatatakot an nangyari sa dakulang syudad na iyan na dating naggubing nin lino, telang kolor purpura asin pula, nasasamnohan nin bulawan, mga mahalagang bato, saka mga perlas!

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!