Isaias 14:30 - Marahay na Bareta Biblia

³⁰ An Kagurangnan iyo an mapastor sa mga dukha sa saiyang banwaan asin tutugotan niya sindang mamuhay na matoninong. Alagad mapadara siya nin makangirhat na gutom sa saindo, mga Filisteo, asin mayo sa saindo nin matatadang buhay.

Isaias 14:30 ပူးပေါင်းရင်းမြစ်များ

An Libro ni Job 18:13

Sarong nakakagadan na helang an naglalakop sa bilog niyang hawak, na nakakapalapa kan mga kamot saka mga bitis niya.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 29:19

An mga dukha asin an mga mapakumbaba magkakamit kan kaogmahan na itinatao nin Kagurangnan, an banal na Dios nin Israel.

Isaias 3:14

Huhukoman nin Kagurangnan an mga pamayo saka an mga kamagurangan kan saiyang banwaan. Ini an pahayag nin Kagurangnan: “Kamo an nagsamsam kan mga ubasan; nasa saindong mga harong an mga nasamsam nindo sa mga dukha.

Isaias 3:15

Mayo kamong deretso sa pagronot kan sakong banwaan, sa pag-api kan mga dukha. Ako, an Kagurangnan, an Dios nin mga hukbo, an nagtaram.”

Isaias 33:16

Dangan magigin ligtas kamo; magigin ligtas kamo na garo nasa laog nin sarong makosog na bantayan. Magkakaigwa kamo nin tinapay na kakakanon asin tubig na iinomon.

Isaias 37:30

Dangan sinabihan ni Isaias si Hadeng Ezekias, “Iyo ini an magigin tanda para saimo: Sa taon na ini asin sa masunod, magkakakan kamo kan trigo na dai nindo itinanom kundi nagsadiring magtalubo, alagad sa ikatolong taon, matanom na kamo nin trigo asin maani kaiyan, dangan matanom kamo nin nga ubas asin makakan kan bunga kaiyan.

Isaias 5:17

Sa kataed kan nagkagarabang mga syudad, mananabsab an mga kordero asin an mga sadit na kanding.

Isaias 51:19

Duwang bagay an nag-abot saimo: naraot an saimong daga huli kan gera asin nagutom an saimong namamanwaan. Mayo nin saro man na madamay saimo.

Isaias 8:21

Maglalagalag an mga tawo sa daga, manluluya an boot ninda asin magugutom sinda. Sa saindang pagkagutom saka kaanggotan, mamaldisyonon ninda an saindang hade patin an saindang Dios. Matingkalag sinda sa langit

Isaias 9:20

Saen man na lugar inaagaw dangan kinakakan kan mga tawo an anoman na pagkakan na saindang makua, alagad dai sinda nababasog. Maski an sadiri nindang mga aki, saindang kinakakan!

Sofonias 3:12

Iwawalat ko sa tahaw nindo an sarong mapakumbabang banwaan na madolok sako sa paghagad nin tabang.