Isaias 14:3 - Marahay na Bareta Biblia

³ An banwaan nin Israel tatawan nin Kagurangnan nin kapahingaloan sa saindang mga tinios na kulog saka kasakitan, asin sa magabat na trabaho na pirit na ipinagibo sainda.

Isaias 14:3 ပူးပေါင်းရင်းမြစ်များ

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 32:18

An banwaan nin Dios mag-eerok sa katoninongan asin katiwasayan sa saindang mga harong saka sa toninong na mga erokan. (

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 30:10

“Banwaan ko, dai kamo matakot; mga taga Israel, dai kamo makubhanan. Ililigtas ko kamo hale sa harayong daga na iyan, hale sa daga na pinagbilanggoan saindo. Mapuli kamo saka mamumuhay sa katoninongan; magigin matiwasay kamo, asin mayong mapatakot saindo.

Jeremias 30:8

Nagsasabi an Kagurangnan nin mga hukbo, “Pag-abot kan aldaw na iyan, babarion ko an sakal na yaon sa saindang loong asin hahaleon ko an saindang kadena; dai na sinda magigin oripon kan mga dayuhan.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Ezekiel 28:24

Nagtaram an Kagurangnan, “Maski saro kan mga nasyon na nakapalibot sa Israel na nagtuyatuya saiya kaidto dai na nanggad magigin arog sa mga tonok asin mga binit na malugad sa Israel. Dangan maaaraman ninda na ako an Kagurangnan Dios.”

Zacarias 8:2

“Haloy ko nang minawot na tabangan an Jerusalem huli sa dakula kong pagkamoot sa saiyang mga namamanwaan, sarong pagkamoot na nagin dahelan kan pagkaanggot ko sa saiyang mga kaiwal.

Zacarias 8:8

dangan ibabalik hale sa sirangan saka solnopan tanganing mag-erok sa Jerusalem. Sinda an magigin banwaan ko, asin ako an magigin Dios ninda, na maimbod saka matanos na mamamayo sainda.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!