Isaias 14:29 - Marahay na Bareta Biblia

²⁹ Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 14:29 ပူးပေါင်းရင်းမြစ်များ

2 Mga Hade 18:8

Nadaog niya an mga Filisteo dangan sinalakay niya an mga erokan ninda, magpoon sa pinakasadit na baryo sagkod sa pinakadakulang syudad, kaiba an Gaza saka an teritoryo sa palibot kaini.

2 Mga Cronica 26:6

Nakigera si Uzzias sa mga Filisteo. Rinumpag niya an mga kudal kan mga syudad nin Gat, Jamnia saka Asdod, dangan nagtugdok siya nin mga pusog na syudad harani sa Asdod asin maski saen sa daga kan mga Filisteo.

2 Mga Cronica 28:18

Kan panahon man na iyan, sinalakay kan mga Filisteo an mga syudad sa Sefela asin sa habagat na parte nin Juda. Nasakop ninda an mga syudad nin Bet-semes, Aijalon asin Gederot, siring man an mga syudad nin Soco, Timna, saka Gimzo kaiba an mga baryo kan mga ini, dangan duman na sinda nag-erok.

Mga Talinhaga 24:17

Dai mo ipag-ogma an pagbagsak kan saimong kaiwal, ni ipaggayagaya an saiyang pagkatumba.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 11:8

An sadit na aki dai maaano maski siya magkawat harani sa lungib kan makamandag na halas.

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 2:6

O Dios, pinabayaan mo an saimong banwaan, an mga kapagarakian ni Jacob! Lakop na an daga kan mga salamangkero hale sa sirangan asin hale sa daga nin Filistia. Sinusunod kan mga tawo an dayuhan na mga gawe.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Jeremias 47:1

Bago sinalakay kan hade nin Egipto an Gaza, nagtaram sako an Kagurangnan manongod sa mga Filisteo.

Mga Panambitan 2:17

Ginibo mananggad nin Kagurangnan an saiyang itinaram na gigibohon; mayo nin pagkaherak na rinaot niya kita, siring kan ipinatakot niya kaidto. Pinapanggana niya an satong mga kaiwal, pinaogma sa satong pagbagsak.

Ezekiel 25:15

Nagtaram an Kagurangnan Dios, “Huli ta an mga Filisteo nagbalos nin makuri sa suanoy nindang mga kaiwal, asin ginadan ninda an mga ini sa saindang kaanggotan,

Ezekiel 26:2

“Aki nin tawo, nagtaram an Tiro manongod sa Jerusalem nin, ‘Rumpag na an Jerusalem! Mayo na an saiyang kosog sa negosyo! Mayo na kitang karibal!’

Ezekiel 35:15

siring na nag-ogma ka kan marumpag an Israel, an nasyon na sadiri ko. An bukid nin Edom, an bilog na daga nin Edom, magigin mamondo. Dangan maaaraman kan gabos na ako an Kagurangnan.”

Oseas 9:1

Banwaan nin Israel, ontoka an sa paganong pagselebrar nindo kan saindong pyesta. Tinalikodan nindo an saindong Dios asin dai kamo nagin maimbod saiya. Nakalakop kamo sa daga sa pagpabakal kan saindong sadiri sa dios na si Baal; arog kamo sa mga maraot na babae asin namotan nindo an trigo na sa paghona nindo ibinayad niya saindo!

Joel 3:4

“Ano an ginigibo mo sako, Tiro, Sidon, asin gabos na rehiyon nin Filistia? Boot nindo akong baloson? Kun nagbabalos kamo, babaloson ko tolos kamo!

Amos 1:6

Nagtataram an Kagurangnan, “Paulit-ulit na nagkasala an mga taga Gaza, asin huli kaiyan, papadusahan ko sinda. Dinara ninda an sarong bilog na nasyon dangan ipinabakal bilang mga oripon sa mga taga Edom.

Amos 1:8

Hahaleon ko an mga pamayo kan mga syudad nin Asdod saka Askelon. Papadusahan ko an syudad nin Ekron, asin magagadan an natadang mga Filisteo.”

Obadias 1:12

Dai ka kutana nag-ogma sa kasakitan kan mga tugang mong lalaki sa Juda. Dai ka kutana nag-ogma sa aldaw kan saindang pagkarumpag. Dai ka kutana nagngisi sa aldaw nin saindang kasakitan.

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Sofonias 2:4

Mayo nin matatada sa syudad nin Gaza. Maharale an mga nag-eerok sa Askelon. Sa laog nin kabangang aldaw, papahaleon an mga namamanwaan sa Asdod, asin papahaleon an mga nag-eerok sa syudad nin Ekron.

Sofonias 2:5

Magagadan kamong mga Filisteo, kamo na mga nag-eerok sa tampi kan dagat. Hinukoman na kamo kan Kagurangnan. Gagadanon niya kamo asin mayo nin siisay man na matatada saindo.

Sofonias 3:11

Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

Zacarias 9:5

Mahihiling ini kan syudad nin Askelon saka matatakot. Mahihiling man iyan kan syudad nin Gaza, asin mamimiripit iyan sa kulog. Arog man kaini an mangyayari sa Ekron, kaya mawawaraan siya nin paglaom. Magagadan an hade nin Gaza; an Askelon dai na pag-eerokan.

Mga Bilang 21:8

Tinaraman nin Kagurangnan si Moises, “Gumibo ka nin sarong halas na bronse asin ibugtak mo sa sarong palo; an lambang masingot na humiling kaiyan, maoomayan.”

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)