Isaias 14:27 - Marahay na Bareta Biblia

²⁷ Totoong gigibohon ini nin Kagurangnan nin mga hukbo; inunat na niya an saiyang takyag sa pagpadusa, asin mayo nin siisay man na makakapaontok saiya.

Isaias 14:27 ပူးပေါင်းရင်းမြစ်များ

2 Mga Cronica 20:6

asin namibi, “O Kagurangnan, Dios nin samuyang mga ginikanan, ika an Dios sa langit na naghahade kan gabos na kahadean sa kinaban! Nasa saimong kamot an kosog asin kapangyarihan, kaya mayo nin makakatumang saimo.

An Libro ni Job 11:10

Kun dakopon ka nin Dios asin darahon sa hukoman, siisay an makakaolang saiya?

An Libro ni Job 23:13

“Alagad dai siya nagbabago. Siisay an makakatumang saiya? An saiyang mawoton, iyan ginigibo niya.

An Libro ni Job 40:8

Boot mong patunayan na bako akong matanos— tanganing ipahiling na ako nasasala asin ika an nasa tama?

An Libro ni Job 42:2

“Aram ko na magigibo mo an gabos; na dai pwedeng salungaton an gabos mong katuyohan.

An Libro ni Job 9:12

Kinukua niya an saiyang mawoton, asin mayo nin nakakapugol saiya; mayo nin nangangahas na maghapot saiya, ‘Ano an saimong ginigibo?’

Salmo 33:11

Alagad an saiyang mukna magdadanay sagkod lamang; an saiyang mga kaisipan dai nin kataposan.

Mga Talinhaga 19:21

Kadakul kan mga plano nin sarong tawo, alagad an kabotan nin Kagurangnan an magdadanay.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 43:13

Ako an Dios asin magdadanay na Dios sagkod pa man. Mayong makakadulag sa sakong kapangyarihan; mayong makakaliwat kan sakong ginigibo.”

Isaias 46:11

Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 4:28

Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Jeremias 44:28

Alagad an nagkapira saindo makakadulag sa kagadanan saka mabalik sa Juda hale sa Egipto. Dangan maaaraman kan mga natadang ini kun kiisay na tataramon an magkakatotoo, an sako o an sainda.

Jeremias 49:20

Kaya hinanyoga an plano ko laban sa mga taga Edom, asin an boot kong gibohon sa mga taga Teman. Maski an mga saradit nindang aki guguyodon, asin magkakatirikbahan an lambang saro.

Jeremias 51:59

An parapamahala kan mga kagamitan kan hukbo ni Hadeng Zedekias iyo si Seraias, na aking lalaki ni Nerias saka makoapo ni Maseias. Kan ikaapat na taon kan paghahade ni Zedekias sa Juda, nag-iba si Seraias sa hade kan magduman ini sa Babilonia. Itinao ko kaidto ki Seraias an nagkapirang mga pagboot.

Ezekiel 26:14

Gigibohon takang sarong gapo, asin babaladon diyan kan mga parasira an saindang mga hikot. An syudad dai na nanggad hihirahayon. Ako, an Kagurangnan Dios, an nagtaram.”

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?