Isaias 14:25 - Marahay na Bareta Biblia

²⁵ Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 14:25 ပူးပေါင်းရင်းမြစ်များ

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

Isaias 10:12

Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 14:5

Tinapos na nin Kagurangnan an kapangyarihan kan maraot na mga pamayo,

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 52:2

Pagbangon, O Jerusalem! Maghale ka diyan sa alpog asin magtukaw ka sa saimong trono! Tangkasa an kadena na nakagapos saimo, bihag na banwaan nin Sion!

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Ezekiel 32:22

“Yaon duman an Asiria, na napapalibotan kan mga lulubngan kan saiyang mga soldados. Sinda gabos nagadan sa gera

Ezekiel 39:4

Si Gog, an saiyang hukbo, asin an mga kaapil niya matutumbang gadan sa kabukidan nin Israel. An saindang mga bangkay pababayaan kong magin kakanon nin mga gamgam saka mga lalaw na hayop.

Mikas 5:5

asin magdadara siya nin katoninongan. Kun salakayon kita kan mga taga Asiria dangan makalagbas sinda sa satong mga depensa, ipapadara ta an satong pinakamakosog na mga lider tanganing labanan sinda.

Mikas 5:6

Huli sa saindang kosog, masasakop ninda an Asiria, an daga ni Nimrod, asin ililigtas ninda kita sa mga taga Asiria sa panahon na salakayon kan mga ini an satong teritoryo.

Nahum 1:13

Babarion ko na an sakal na ibinugtak saimo kan Asiria asin puputolon ko na an kadenang iginapos saimo.”

Zacarias 10:11

Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.