Isaias 14:21 - Marahay na Bareta Biblia

²¹ Poonan na an panggadan! Magagadan an mga aking lalaki kan hadeng ini huli sa kasalan kan saindang mga ginikanan. Mayong saro man sainda na maghahade sa daga o mapatindog nin mga syudad sa ibabaw kaiyan.

Isaias 14:21 ပူးပေါင်းရင်းမြစ်များ

An Libro ni Job 37:12

mantang naghihiro sinda sa pagboot nin Dios. Ginigibo ninda an gabos na pagboot nin Dios maski saen sa bilog na kinaban.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Isaias 13:16

An saindang mga aki ipupusak sa atubangan ninda; sasamsaman an saindang mga harong asin lulupigan an saindang mga agom.”

Isaias 27:6

Sa mga maabot na aldaw, an banwaan nin Israel, an mga kapagarakian ni Jacob, magkakaigwa nin gamot arog sa sarong kahoy, asin magsusupang dangan mamumurak sinda. Mapapano kan saindang bunga an bilog na kinaban.

Levitico 26:39

An nagkapira saindo na matatadang buhay sa daga kan saindong mga kaiwal, orog na maghahalipot an buhay huli kan saindong mga kasalan saka kan kasalan nin saindong mga ginikanan.

Mateo 23:35

Huli kaini kamo an papadusahan dahel sa paggadan ninda kan mga tawong inosente, poon ki Abel sagkod ki Zacarias na aki ni Barakias, na ginadan nindo sa pagultanan kan Templo saka kan altar.