Isaias 14:19 - Marahay na Bareta Biblia

¹⁹ alagad mayo ka nin lulubngan, asin itinapok sana an saimong bangkay tanganing maglapa. Natahoban iyan kan mga bangkay kan mga soldados na nagkagaradan sa gera, na itinapok kaiba kan mga iyan sa sarong kalot, dangan pinagtimaktimakan.

Isaias 14:19 ပူးပေါင်းရင်းမြစ်များ

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

1 Mga Hade 21:24

An siisay man sa saimong mga kadugo na magadan sa syudad kakakanon kan mga ayam, asin an magadan sa kalangtadan kakakanon kan mga bwitre.” (

2 Mga Hade 9:25

Sinabihan ni Jehu an saiyang katabang na si Bidkar, “Buhaton mo an saiyang bangkay asin itapok mo sa oma ni Nabot. Giromdoma an tataramon nin Kagurangnan laban ki Ahab na saiyang ama kan magkasabay kitang nangabayo kasunod niya:

Isaias 13:15

An siisay man na madakop sasaksakon sagkod na magadan.

Isaias 14:18

An gabos na hade kan kinaban nahuhutad sa saindang magagayon na lulubngan,

Isaias 34:3

An saindang mga bangkay dai ilulubong, kundi maglalapa saka magbabata; an mga bukid mapula kan saindang dugo.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 16:6

An mayaman saka an dukha magagadan sa dagang ini; dai sinda ilulubong ni tatangisan. Mayo nin siisay man na malugad kan saiyang sadiri ni maaris kan saiyang buhok tanganing ipahiling an saiyang pagmondo para sainda.

Jeremias 22:19

Arog kan paglubong sa asno an gigibohon na paglubong saiya; guguyodon siya sa harayo saka itatapok sa luwas kan mga trangkahan nin Jerusalem.”

Jeremias 41:7

Pakalaog ninda sa syudad, ginadan sinda ni Ismael asin kan mga tawohan kaini, dangan itinapok sa sarong bubon an saindang mga bangkay.

Jeremias 41:9

An bubon na tinapokan ni Ismael kan mga bangkay kan mga lalaking ginadan niya, iyo an dakulang bubon na ipinakalot ni Hadeng Asa kan sinasalakay ini ni Baasa na hade nin Israel. An bubon pinano ni Ismael kan mga bangkay.

Jeremias 51:4

Malulugadan sinda saka magagadan sa mga tinampo kan saindang mga syudad.

Ezekiel 32:23

asin an saindang mga lulubngan yaon sa pinakahararom na kabtang kan kinaban kan mga gadan. An gabos niyang soldados na nagadan sa gera, asin an saindang lulubngan nakapalibot sa lulubngan niya. Alagad kaidto tinakot ninda an daga kan mga nabubuhay.

Ezekiel 32:27

An paglubong sainda bakong arog kan paglubong sa mga bayani kan nakaaging panahon, na dara an mga armas sa kinaban kan mga gadan, na nauulonan an espada asin an saindang kalasag nasa ibabaw kan saindang daghan. An mga bayaning ini igwa kaidto nin kapangyarihan sa pagtakot sa daga kan mga nabubuhay.