Isaias 14:16 - Marahay na Bareta Biblia

¹⁶ Hihilingon ka kan mga gadan asin mamaanan. Mahapot sinda, “Bakong iyo ini an nagyugyog kan kinaban asin nagpatakig sa mga kahadean?

Isaias 14:16 ပူးပေါင်းရင်းမြစ်များ

Salmo 52:7

“Hilinga an lalaki na habong gibohon an Dios bilang saiyang pailihan, kundi nagsarig sa kadakulan kan saiyang kayamanan, asin naglaom sa sadiring kasombikalan.”

Salmo 64:9

Magkakatarakot an gabos na tawo; maghohorophorop kan mga ginibo nin Dios, asin ipapamareta iyan gabos.

Isaias 14:15

Alagad ibinaba ka sa pinakahararom na kabtang kan kinaban kan mga gadan.

Isaias 14:17

Bakong rinaot niya an mga syudad, asin ginibong kalangtadan an kinaban? Bakong iyo ini an dai nanggad nagpatalingkas nin mga bilanggo o nagpapuli sa sainda?”

Jeremias 50:23

Minartilyo saka pinasa kan Babilonia an bilog na kinaban, alagad ngunyan putol na asin raot an martilyong iyan! Nagkamorongnan an gabos na nasyon huli kan nangyari sa saiya.

Ezekiel 32:23

asin an saindang mga lulubngan yaon sa pinakahararom na kabtang kan kinaban kan mga gadan. An gabos niyang soldados na nagadan sa gera, asin an saindang lulubngan nakapalibot sa lulubngan niya. Alagad kaidto tinakot ninda an daga kan mga nabubuhay.

Ezekiel 32:27

An paglubong sainda bakong arog kan paglubong sa mga bayani kan nakaaging panahon, na dara an mga armas sa kinaban kan mga gadan, na nauulonan an espada asin an saindang kalasag nasa ibabaw kan saindang daghan. An mga bayaning ini igwa kaidto nin kapangyarihan sa pagtakot sa daga kan mga nabubuhay.

Nahum 3:6

Tatapokan taka nin ati dangan pag-oolog-ologon. An mga tawong makahiling matatakot saimo.

Habakkuk 1:10

Tinutuyatuya ninda an mga hade asin sinusubahan sana ninda an haralangkaw na opisyal. Pinagngingisihan sana ninda an mga bantayan huli ta tinatambakan ninda iyan nin daga dangan sinasakop iyan.

Habakkuk 1:17

Gagamiton daw ninda sagkod pa man an saindang mga espada asin magpapadagos sinda sa mayong herak na panraraot nin mga nasyon?