Isaias 14:15 - Marahay na Bareta Biblia

¹⁵ Alagad ibinaba ka sa pinakahararom na kabtang kan kinaban kan mga gadan.

Isaias 14:15 ပူးပေါင်းရင်းမြစ်များ

Isaias 14:16

Hihilingon ka kan mga gadan asin mamaanan. Mahapot sinda, “Bakong iyo ini an nagyugyog kan kinaban asin nagpatakig sa mga kahadean?

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Ezekiel 31:14

Kaya magpoon ngunyan, maski marahay an patubig, mayo nang kahoy na mahalangkaw nin marahay saka mapaabot kan saiyang poro sa mga panganoron. Gabos iyan magagadan arog sa mga tawo; gabos natatalaga sa pakiiba sa mga yaon sa kinaban nin mga gadan.”

Ezekiel 31:16

Kun ihulog ko na iyan sa kinaban kan mga gadan, an tanog kan pagbagsak kaiyan makakatanyog sa mga nasyon. An gabos na kahoy sa Eden saka an gabos na piling kahoy nin Lebanon na marahay an patubig na nagduman na sa kinaban kan mga gadan maoogma sa pagbagsak kaiyan.

Ezekiel 32:23

asin an saindang mga lulubngan yaon sa pinakahararom na kabtang kan kinaban kan mga gadan. An gabos niyang soldados na nagadan sa gera, asin an saindang lulubngan nakapalibot sa lulubngan niya. Alagad kaidto tinakot ninda an daga kan mga nabubuhay.

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Mateo 11:23

Asin ika, Capernaum! Boot mong iitaas sagkod sa langit? Ihuhulog ka sa impyerno! Huli ta kun an mga milagro na ginibo saimo ginibo sa Sodoma, an banwaan na idto yaon pa kutana ngunyan!

Lukas 10:15

Asin ika, Capernaum, boot mong iitaas sagkod sa langit? Ihuhulog ka sa impyerno!”

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.