Isaias 14:13 - Marahay na Bareta Biblia

¹³ Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 14:13 ပူးပေါင်းရင်းမြစ်များ

An Libro ni Job 20:6

Maski an saiyang langkaw makaabot sa kalangitan, asin an saiyang payo makaabot sa mga panganoron,

Salmo 48:2

An Sion, an bukid nin Dios, halangkaw asin magayon; an Sion, syudad kan dakulang hade, iyo an kaogmahan kan bilog na daga.

Isaias 2:2

Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Ezekiel 27:3

an syudad na nagtitindog sa tampi kan dagat asin nakikipagnegosyo sa mga banwaan na nag-eerok man sa tampi kan dagat. Sabihan mo an Tiro na ini an itinataram nin Kagurangnan Dios: “Tiro, ipinaghambog mo an saimong mayong kaninan na kagayonan.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:9

Sa atubang kan magadan saimo, makakasabi ka pa daw na ika sarong dios, maski tawo ka man sana asin bakong dios?

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Ezekiel 31:10

“Kaya ako, an Kagurangnan Dios, an nagtataram saimo kun ano an mangyayari sa kahoy na iyan na naghalangkaw sagkod na an poro nakaabot sa mga panganoron. Mantang naghahalangkaw iyan, nagin mapaabaw-abaw man.

Ezekiel 40:2

Sa sarong bisyon dinara ako nin Dios sa daga nin Israel, dangan ibinugtak sa sarong halangkaw na bukid. Sa atubangan ko, nahiling ko an sarong grupo nin mga edipisyo na arog sa sarong syudad.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 5:20

Alagad huli ta nagin mapalangkaw siya, nagin matagas an payo saka makuri, hinale siya sa saiyang trono asin hinale man an saiyang kamurawayan.

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Mateo 11:23

Asin ika, Capernaum! Boot mong iitaas sagkod sa langit? Ihuhulog ka sa impyerno! Huli ta kun an mga milagro na ginibo saimo ginibo sa Sodoma, an banwaan na idto yaon pa kutana ngunyan!

Lukas 10:15

Asin ika, Capernaum, boot mong iitaas sagkod sa langit? Ihuhulog ka sa impyerno!”

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.