Isaias 13:6 - Marahay na Bareta Biblia

⁶ Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 13:6 ပူးပေါင်းရင်းမြစ်များ

An Libro ni Job 31:23

Huli ta natatakot ako sa padusa nin Dios, dai ko nanggad magigibo an siring.

Isaias 10:25

Huli ta kadikit na sanang panahon asin matatapos na an pagpadusa saindo, dangan sinda an gagadanon ko.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 13:9

An aldaw kan Kagurangnan maabot—an makuring aldaw na idto kan saiyang naglalaad na kabangisan asin kaanggotan. An daga magigin sarong kalangtadan asin magagadan an gabos na makasalan.

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 23:1

Iyo ini an mensahe dapit sa Tiro. Mag-agrangay kamo sa kamondoan, kamo na mga paralayag sa mga dagat! Raot na an Tiro—an saindong doongan; an mga harong kaiyan saka an ligtas na lugar para sa mga sakayan nagkagaraba na. Maaaraman nindo an bareta mantang pabalik na an saindong mga sakayan hale sa Chipre.

Isaias 34:2

Anggot an Kagurangnan sa gabos na nasyon asin sa gabos nindang hukbo. Sinentensyahan na niya sinda nin kagadanan.

Isaias 34:8

Iyo ini an panahon na ililigtas nin Kagurangnan an Sion asin mabalos siya sa saiyang mga kaiwal.

Isaias 47:11

Maabot saimo an kapahamakan, asin an saimong salamangka dai makakapugol kaiyan. Sa madali, maabot saimo an karatan— karatan na dai lamang nag-abot sa isip mo!

Isaias 52:5

Arog man kaiyan an nangyari saindo sa Babilonia; sinakop kamo saka dai binayadan. Nag-orgulyo saka nagpaabaw-abaw an mga namamayo saindo asin danay na ipinahiling ninda an pag-olog-olog sako.

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Isaias 63:4

Napaghorophorop ko na duminatong na an panahon tanganing iligtas an sakong banwaan; panahon tanganing padusahan an saindang mga kaiwal.

Isaias 65:14

Mag-aawit sinda sa kaogmahan, alagad maghihibi kamo sa dakulang kamondoan.

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Jeremias 49:3

Magtangis kamo, mga taga Hesbon, huli ta rinaot na an Ai! Magmondo kamo, kababaehan nin Rabba! Magsulot kamo nin sako asin manambitan. Magdaralagan kamo sa karibongan. Bibihagon an saindong dios-dios na si Milcom, kaiba an saiyang mga padi saka mga prinsipe.

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Ezekiel 13:5

Dai ninda binabantayan an mga narumpag na kabtang kan kudal ni hinihirahay iyan tanganing madepensahan an Israel pag-abot kan gera sa aldaw nin Kagurangnan.

Ezekiel 21:12

Aki nin tawo, maghibi ka asin maghaya; huli ta an espadang iyan para sa sakong banwaan, asin para sa gabos na prinsipe nin Israel. Gagadanon sinda sa espada kaiba an sakong banwaan. Tumboka an saimong daghan sa kawaraan nin paglaom!

Daniel 5:26

Iyo ini an kahulogan kaiyan: MENE, binilang na nin Dios an mga aldaw kan saimong paghahade asin tinapos na;

Daniel 5:9

Sa makuring katakotan ni Hadeng Belsazzar, orog pa siyang nanlongsi, asin dai maaraman kan mga iginagalang na kalalakihan kun ano an saindang gigibohon.

Joel 1:11

Kamong mga paraoma, pagmondo; paghibi, kamong paraataman nin mga ubasan, huli ta an trigo, an sebada, asin an gabos na tinanom nawara na nanggad.

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Joel 1:15

Harani na an aldaw nin Kagurangnan, an aldaw na manraraot an Makakamhan. Mangirhat na gayo an aldaw na iyan!

Joel 1:5

Pagmata kamo asin pagtangis, kamong mga paraburat; paghibi, kamong mga parainom nin arak; raot na an mga ubas na gigibohon na bagong arak.

Joel 2:1

Huyopa an trompeta; patanoga an alarma sa Sion, an banal na bulod nin Dios. Pagtakig, banwaan nin Juda! Nagdadangadang na an aldaw nin Kagurangnan.

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Amos 5:18

Herak man saindo na mga nagmamawot na mag-abot na an aldaw nin Kagurangnan! Anong karahayan an itatao saindo kan aldaw na iyan? An aldaw na iyan magigin aldaw nin kadikloman asin bakong aldaw nin kaliwanagan.

Sofonias 1:14

Harani na an dakulang aldaw nin Kagurangnan—harani na nin marahay asin marikas an pag-abot kaiyan! An aldaw na iyan magigin mapait, huli ta maski an pinakamaisog na mga soldados mahibi huli sa kawaraan nin paglaom!

Sofonias 1:7

Harani na an aldaw nin paghukom na gigibohon nin Kagurangnan, kaya mag-alo kamo sa atubangan niya. Nag-aandam an Kagurangnan na idolot bilang sakripisyo an saiyang banwaan, asin inalok niya an mga kaiwal tanganing samsaman an Juda.

Zacarias 14:1

Harani na an aldaw na matukaw sa paghukom an Kagurangnan. Dangan sasamsaman an Jerusalem, asin pagbabarangaon an sinamsam sa atubangan nindo.

Malakias 4:5

“Alagad bago dumatong an dakula saka makangirhat na aldaw nin Kagurangnan, ipapadara ko saindo an propetang si Elias.

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!

Kapahayagan 18:10

Matindog sinda sa harayo, huli ta takot sindang madamay sa saiyang kasakitan, dangan masabi sinda, “Makangingirhat! Ining dakula saka mapangyaring syudad nin Babilonia! Sa laog nin saro sanang oras nagdatong an padusa mo!”