Isaias 13:21 - Marahay na Bareta Biblia

²¹ Iyan an magigin lugar na pag-eerokan kan mga hayop sa kadlagan asin gigibohan nin salagan kan mga kuwaw. Duman mag-eerok an mga darakulang gamgam, asin magdadaralagan duman an mga lalaw na kanding.

Isaias 13:21 ပူးပေါင်းရင်းမြစ်များ

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 23:13

An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 32:14

Maski an palasyo babayaan kan mga nag-eerok diyan asin an pangenot na syudad babayaan kan mga namamanwaan. An mga bulod saka an mga bantayan magigin mga erokan nin mga lalaw na hayop, sarong kaogmahan para sa mga lalaw na asno asin sarong pasabsaban para sa mga hayop.

Jeremias 50:39

“Kaya mag-eerok sa Babilon an mga maringis na hayop saka mga lalaw na ayam, siring man an mga darakulang gamgam. Mayo nin tawo na mag-eerok duman sagkod lamang.

Levitico 11:16

an abestro, an pangbangging lawin, an gabiota sagkod an gabos na klase nin lawin,

Mikas 1:8

Dangan nagsabi si Mikas, “Huli kaini, magmomondo saka mananambitan ako. Malakaw akong nakabitis asin huba sa pagpahiling kan sakong kamondoan. Makurahaw ako arog sa sarong lalaw na ayam asin mahaya ako arog sa dakulang gamgam.

Sofonias 2:14

Iyan magigin sarong lugar na pahingaloan kan mga karnero, mga baka asin kan gabos na klase nin hayop. An mga kuwaw mag-eerok sa mga raot na lugar kaiyan asin mahuni sa mga bintana. An mga uwak mahuni sa mga hagdan. Babakbakon an mga kahoy na sedro kan saiyang mga edipisyo.

Kapahayagan 18:2

Nagkurahaw siya nin makosog, “Narumpag na, narumpag na an dakulang Babilonia! Ngunyan erokan na siya kan mga demonyo, lugar na tagoan kan mga maating espiritu asin kan gabos na klaseng maati saka nakakaongis na mga gamgam.