Isaias 13:20 - Marahay na Bareta Biblia

²⁰ Mayo na nin mag-eerok duman sagkod pa man. Mayong lagalag na Arab na mapatindog kan saiyang tolda duman, asin mayong pastor na mapasabsab kan saiyang mga hayop sa nasabing lugar.

Isaias 13:20 ပူးပေါင်းရင်းမြစ်များ

2 Mga Cronica 17:11

Nagkapirang mga Filisteo an nagdara ki Jehosafat nin dakulang halaga nin plata saka iba pang mga regalo. Dinarahan man siya kan mga Arab nin syete mil syete syentos na karnero saka syete mil syete syentos na kanding.

An Libro ni Job 3:7

ibilang mong mayong namundag sa bangging idto, bangging mayo lamang nin kaogmahan.

Awit nin mga Awit 1:7

Sabihi ako, sakong namomotan, saen na pasabsaban mo dadarahon an saimong mga hayop? Saen mo sinda papahingaloon sa kainitan nin aldaw? Tadaw ta kaipuhan hanapon taka sa kaibahan kan ibang pastor sa tahaw kan mga hayop?

Isaias 14:23

Gigibohon kong sarong katiboan an Babilon, lugar na eerokan kan mga kuwaw. Sisighidon ko an Babilon nin sarong sighid na mahale kan gabos na yaon diyan. Ako, an Kagurangnan nin mga hukbo, an nagtaram.”

Isaias 21:1

Iyo ini an mensahe dapit sa Babilon. Siring sa sarong aripuros na minaagi sa Negeb hale sa kalangtadan, an kasakitan maabot hale sa sarong makatatakot na daga.

Isaias 25:2

Ginaraba mo an mga syudad asin rinaot mo an mga pampapusog kaiyan. Mayo na an mga palasyo na itinugdok kan samong mga kaiwal; dai na nanggad iyan hihirahayon.

Isaias 34:17

Maerok sinda sa daga sagkod pa man, asin masasadirihan ninda iyan sagkod lamang.

Jeremias 49:33

An Hazor magigin sarong desyerto sagkod lamang, sarong lugar na pag-eerokan nin mga lalaw na ayam. Mayo na nin tawo na mag-eerok duman. Ako, an Kagurangnan, an nagtaram.”

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.

Jeremias 50:21

Nagsasabi an Kagurangnan, “Salakayon nindo an mga taga Merataim asin mga taga Pekod. Gadanon nindo saka puhoon nanggad sinda. Giboha nindo an gabos na ipinagboot ko saindo. Ako, an Kagurangnan, an nagtaram.

Jeremias 50:3

“Huli ta sarong nasyon hale sa amihan an nagsalakay sa Babilonia asin gigibohon ining sarong desyerto. Madurulag an mga lalaki saka mga hayop; mayo na nin mag-eerok duman.”

Jeremias 50:39

“Kaya mag-eerok sa Babilon an mga maringis na hayop saka mga lalaw na ayam, siring man an mga darakulang gamgam. Mayo nin tawo na mag-eerok duman sagkod lamang.

Jeremias 50:45

Kaya hinanyoga an plano ko laban sa syudad nin Babilon asin an boot kong gibohon sa namamanwaan kaiyan. Maski an mga saradit nindang aki kukuahon, asin magkakatirikbahan an lambang saro.

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Jeremias 51:29

Nagtatakig saka namimiripit sa kulog an daga, huli ta dai nagbabago an katuyohan nin Kagurangnan laban sa Babilonia, na gibohon ining sarong desyerto, saen mayo na nin mag-eerok.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 51:43

An mga banwa nagin sarong tanawon na nakakatakot. Garo sinda mga desyertong mayo nin tubig, na mayo nin siisay man na nag-eerok ni nag-aagi.