Isaias 13:16 - Marahay na Bareta Biblia

¹⁶ An saindang mga aki ipupusak sa atubangan ninda; sasamsaman an saindang mga harong asin lulupigan an saindang mga agom.”

Isaias 13:16 ပူးပေါင်းရင်းမြစ်များ

Isaias 13:18

Gagadanon kan saindang mga pana saka bosog an mga hoben na lalaki; dai sinda maheherak sa mga omboy asin sa mga aki.

Isaias 14:21

Poonan na an panggadan! Magagadan an mga aking lalaki kan hadeng ini huli sa kasalan kan saindang mga ginikanan. Mayong saro man sainda na maghahade sa daga o mapatindog nin mga syudad sa ibabaw kaiyan.

Isaias 47:9

Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Jeremias 51:22

sa paggadan kan mga lalaki saka mga babae, sa paggadan kan gurang saka hoben, sa paggadan kan mga aking lalaki saka mga aking babae,

Mga Panambitan 5:11

An samong mga agom linupigan sa Bukid nin Sion, an mga birhen sa mga banwa nin Juda.

Oseas 10:14

madatong sa saindong banwaan an gera dangan magagaba an gabos nindong bantayan. An aldaw na iyan makakaagid sa aldaw na rinaot ni Hadeng Salman an syudad nin Bet-arbel sa sarong gera; nagkaroronot kaidto an mga ina kaiba an saindang mga aki.

Nahum 3:10

Alagad ipinatapok an mga taga Tebes. Sa lambang kanto kan mga tinampo hinampak an saindang mga aki sagkod na magadan. An saindang ginagalangan na mga lalaki nakakadenahan na dinara dangan pinagripahan kan mga nakabihag sainda.

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.