Isaias 13:13 - Marahay na Bareta Biblia

¹³ Papatakigon ko an kalangitan, asin matatanyog an daga sa saiyang namumugtakan sa aldaw na ako, an Kagurangnan nin mga hukbo, magpahiling kan sakong kaanggotan.

Isaias 13:13 ပူးပေါင်းရင်းမြစ်များ

An Libro ni Job 9:6

Minapadara an Dios nin linog asin tinatanyog an daga; saiyang yinuyugyog an mga harigi kan kinaban.

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Salmo 88:16

Huminugpa sako an saimong kaanggotan; rinonot ako kan mangirhat mong mga salakay.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 21:1

Iyo ini an mensahe dapit sa Babilon. Siring sa sarong aripuros na minaagi sa Negeb hale sa kalangtadan, an kasakitan maabot hale sa sarong makatatakot na daga.

Isaias 23:11

Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Isaias 24:18

An siisay man na maghingowang makadulag sa katakotan mahuhulog sa kalot, asin an makadulag sa kalot madadakop kan siod. Mahugpa an makosog na uran, asin matatanyog an mga pundasyon kan kinaban.

Isaias 24:19

Magatak an daga, mapapasa asin mababanga.

Isaias 34:4

An aldaw, bulan, saka bitoon maroronot siring sa alpog. Mawawara an langit siring sa sarong banig na linukot, asin mahuhulog an mga bitoon siring sa mga dahon na natatakdag hale sa balagon o sa kahoy nin higera.

Isaias 47:1

Nagsasabi an Kagurangnan, “Babilon, humilig ka sa saimong trono, asin tumukaw ka sa alpog kan daga. Kaidto nakakaagid ka sa sarong birhen, sarong syudad na dai nasakop, alagad bako ka nang lumbod asin mabini! Saro ka nang oripon ngunyan!

Isaias 51:6

Tingkalagan an saindong mga mata sa kalangitan, asin hilinga nindo an daga! An kalangitan mawawara siring sa aso; an daga magigin siring sa daan na gubing; an gabos na tawo diyan magagadan siring sa mga langaw. Alagad an sakong kaligtasan magdadanay sagkod lamang; an sakong pagligtas mayo nanggad nin kataposan.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 51:1

Nagsasabi an Kagurangnan, “Mapadara ako nin sarong espiritu na maraot kan Babilonia asin kan mga nag-eerok diyan.

Mga Panambitan 1:12

“Kamo na mga nag-aagi, mayo daw nin halaga ini saindo? Hilinga kun igwa nin kamondoan arog kan sakuyang kamondoan, na dinadara sako nin Kagurangnan kan aldaw nin labi-labi niyang kaanggotan.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Mateo 24:35

Mapapara an langit asin an daga, alagad an sakong mga tataramon dai nanggad mapapara.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.