Isaias 13:11 - Marahay na Bareta Biblia

¹¹ Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 13:11 ပူးပေါင်းရင်းမြစ်များ

An Libro ni Job 40:12

Hilinga an lambang mapaabaw-abaw, asin ibaba mo siya; timaktimakan mo an maraot sa saiyang natitindogan.

Mga Talinhaga 11:31

An matanos babalosan digdi sa daga, kaya laomon mo na papadusahan an maraot saka an parakasala.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Isaias 14:21

Poonan na an panggadan! Magagadan an mga aking lalaki kan hadeng ini huli sa kasalan kan saindang mga ginikanan. Mayong saro man sainda na maghahade sa daga o mapatindog nin mga syudad sa ibabaw kaiyan.

Isaias 14:5

Tinapos na nin Kagurangnan an kapangyarihan kan maraot na mga pamayo,

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 22:14

An Kagurangnan Dios nin mga hukbo mismo an nagtaram sako asin nagsabi, “Dai ko nanggad papatawadon an karatan nindang ini sagkod na sinda nabubuhay. Ako, an Kagurangnan Dios nin mga hukbo, an nagtaram.”

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 24:21

Maabot an panahon na papadusahan nin Kagurangnan an mga kapangyarihan sa itaas asin an mga namamayo kan daga.

Isaias 25:3

Kaya oomawon ka kan mga nag-eerok sa mapangyaring mga nasyon; katatakotan ka sa mga syudad nin makuring mga nasyon.

Isaias 25:5

siring sa init sa mamarang lugar. Alagad ika, Kagurangnan, an nagpaalo kan samong mga kaiwal; pinaontok mo an kinurahaw nin mga makuring tawo, siring na an init nin aldaw pinapalipot kan panganoron.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 29:20

Iyan an magigin kataposan kan mga nang-aapi sa iba asin nagpapahiling nin mayong paggalang sa Dios. Gagadanon an gabos na makasalan.

Isaias 29:5

Alagad an gabos na dayuhan na masalakay saimo, Jerusalem, ipapalid siring sa alpog, asin an saindang mga nakakatakot na hukbo maralayog siring sa dagami. Dangan sa madali, sa oras na dai mo linalaoman,

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 5:15

An gabos na tawo sosopogon, asin ibababa an mga mapaabaw-abaw.

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 48:29

Mapaabaw-abaw nanggad an Moab! Nabaretaan ko an kapaabaw-abawan, kapalangkawan, kahambogan kan mga tawo, asin an pagigin makasadiri ninda.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”