Isaias 12:5 - Marahay na Bareta Biblia

⁵ Mag-awit kamo nin mga pag-omaw sa Kagurangnan, huli kan dakulang mga bagay na saiyang ginibo; ini saindong ibareta sa bilog na kinaban.

Isaias 12:5 ပူးပေါင်းရင်းမြစ်များ

Salmo 105:2

Awiton nindo an awit nin pag-omaw sa saiya; ibareta an gabos na ngangalasan na ginibo niya.

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 98:1

Mag-awit nin bagong awit sa Kagurangnan, huli ta guminibo siya nin mga ngangalasan! Sa sadiri niyang kapangyarihan asin banal na kosog nakamtan niya an kapangganahan.

Exodo 15:1

Dangan si Moises asin an mga Israelita nagkanta kaining awit sa Kagurangnan: “An Kagurangnan sakong aawitan huli ta dakulang panggana saiyang nakamtan; mga kabayo asin mga lunad man itinapok niya sa kadagatan.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Isaias 24:14

An mga matatada mag-aawit sa kaogmahan. Magbabareta an mga nasa solnopan kun gurano kadakula an Kagurangnan,

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 42:11

Pag-omawon kan desyerto asin kan mga banwa kaiyan an Dios; pag-omawon siya kan mga tawo sa Kedar! An mga nag-eerok sa syudad nin Sela magkukurahaw sa kaogmahan sa mga alitoktok kan kabukidan!

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!