Isaias 12:4 - Marahay na Bareta Biblia

⁴ Dangan maawit sinda sa aldaw na iyan: “Magpasalamat kamo sa Kagurangnan! Mag-apod kamo sa saiyang ngaran; ibalangibog nindo sa mga nasyon an saiyang mga gibo, ipahayag nindo an saiyang kadakulaan!

Isaias 12:4 ပူးပေါင်းရင်းမြစ်များ

1 Mga Cronica 16:8

Magpasalamat kamo sa Kagurangnan, mag-apod sa saiyang ngaran; an saiyang mga gibo irukyaw nindo sa mga banwaan!

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

Nehemias 9:5

Dangan nagsabi an mga Levita na si Jesua, Kadmiel, Bani, Hasabneias, Serebias, Odias, Sebanias, asin Petahias; “Magtirindog kamo asin mag-omaw sa Kagurangnan na saindong Dios, sa panahon na daing kasagkoran! Omawon an mamurawayon niyang ngaran na ilinangkaw sa ano man na bendisyon asin kaomawan.”

Salmo 105:1

Magpasalamat kamo sa Kagurangnan, mag-apod sa saiyang ngaran; irukyaw nindo an saiyang mga gibo sa mga banwaan.

Salmo 107:22

Mga sakripisyo nin pasalamat kaipuhan idolot ninda, mga gibo niya kaipuhan ipagrukyaw sa mga awit nin kaogmahan.

Salmo 113:5

Siisay an makakaarog sa Kagurangnan na satuyang Dios, na nag-eerok sa kaitaasan,

Salmo 148:13

Omawon nindo an ngaran nin Kagurangnan, huli ta an ngaran niya iyo sana an dakula; an kamurawayan niya halangkaw pa sa langit asin sa daga.

Salmo 18:46

An Kagurangnan buhay! Pag-omawon an sakong parasurog! Irukyaw an kadakulaan nin Dios na nagligtas sako.

Salmo 21:13

Inoomaw mi ika, Kagurangnan, huli kan saimong dakulang kosog! Aawiton asin oomawon nyamo an saimong kapangyarihan.

Salmo 22:31

Mga tawong dai pa namumundag sasabihan: “Ilinigtas nin Kagurangnan an saiyang banwaan.”

Salmo 34:3

Ipagrukyaw nyato an Kagurangnan; sarabay tang ipagrukyaw an saiyang ngaran!

Salmo 40:5

Dakul na ngangalasan an ginibo mo para samo, O Kagurangnan, na samuyang Dios; mayo nin makakaarog saimo! Magayon an mga plano mo para samo. Kun ako mangahas na ipahayag iyan gabos, sa kadaklan dai ko mauubos!

Salmo 46:10

Minataram siya, “Magtoninong kamo, asin midbidon nindo na ako iyo an Dios; pinakahalangkaw sa tahaw nin mga nasyon, pinakahalangkaw sa bilog na kinaban.”

Salmo 57:5

O Dios, ipahiling mo sa kalangitan an saimong kadakulaan, asin sa bilog na daga an saimong kamurawayan.

Salmo 68:5

Ama nin mga mayong ama asin parasurog nin mga balo; siring kaiyan an Dios sa saiyang banal na Templo.

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Salmo 9:11

Mag-awit kamo nin pag-omaw sa Kagurangnan, na naghahade sa Sion! An mga ginibo niya ibareta nindo sa lambang nasyon!

Salmo 96:3

Ipahayag sa mga nasyon an saiyang kamurawayan, an mga ngangalasan niya sa tahaw kan gabos na banwaan.

Salmo 97:9

Huli ta ika, Kagurangnan, an pinakahalangkaw sa bilog na daga; orog na dakula ki sa gabos na mga dios.

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Exodo 33:19

Nagsimbag an Kagurangnan, “Papaagihon ko sa atubang mo an gabos kong kamurawayan asin ipapahayag ko an banal kong ngaran. Ako iyo an Kagurangnan; kakaherakan ko an gusto ko, asin tatawan ko nin biyaya an mawilihan ko.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Isaias 24:15

mantang an mga nasa sirangan mag-oomaw saiya. Mag-oomaw sa Kagurangnan, an Dios nin Israel, an mga nag-eerok sa baybayon.

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 26:8

Sinusunod mi an saimong kabotan asin naglalaom kami saimo; ika an bilog ming kamawotan.

Isaias 33:5

Dakula nin marahay an Kagurangnan! Naghahade siya sa gabos na bagay. Papanoon niya nin hustisya saka katanosan an Jerusalem

Isaias 42:12

Magtao nin pag-omaw saka kamurawayan sa Kagurangnan an mga nag-eerok sa harayong mga daga!

Isaias 48:20

Maghale kamo sa Babilon, magdulag kamo! Maogma nindong ikurahaw an bareta; ipasabot iyan saen man na lugar: “Ilinigtas nin Kagurangnan an Israel na saiyang sorogoon!”

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Juan 17:26

Ipinamidbid taka sainda asin padagos na ipapamidbid, tanganing an pagkamoot mo sako mapasainda asin ako man mapasainda.”