Isaias 11:3 - Marahay na Bareta Biblia

³ An pagkaigwa nin pagkatakot sa Kagurangnan iyo an saiyang kaogmahan. Dai siya maghuhukom sosog sa nahihiling o nadadangog niya,

Isaias 11:3 ပူးပေါင်းရင်းမြစ်များ

2 Samuel 14:17

Nagsaboot pa akong, ‘An panuga kan sakong kagurangnan na hade iyo an maligtas sako;’ huli ta an kagurangnan na hade siring sa anghel nin Dios na nakakaaram kan marahay saka kan maraot. Ibahan ka logod kan Kagurangnan na saimong Dios!”

2 Samuel 14:8

Nagsimbag an hade, “Magpuli ka na asin ako na an bahala sa bagay na iyan.”

1 Mga Hade 3:28

Kan madangog kan banwaan nin Israel an desisyon kan hade, nagkaigwa sinda nin dakulang paggalang saiya. Nahiling ninda na igwa siya kan kadonongan nin Dios tanganing magtao nin tamang hustisya.

1 Mga Hade 3:9

Kaya tawan mo ako kan kadonongan na kaipuhan ko tanganing pamayohan ko na may katanosan an saimong banwaan asin tanganing maaraman ko an kalaenan kan marahay asin maraot, huli ta siisay an pwedeng maghade sa banwaan mong ini na orog kadakula?”

An Libro ni Job 12:11

Alagad siring na an saindong dila naoogma sa pagnamit kan pagkakan, an saindong mga talinga naoogma man sa pagdangog nin mga tataramon.

An Libro ni Job 34:3

huli ta binabalo kan talinga an mga tataramon siring na ninanamitan kan dila an kakanon.

Mga Talinhaga 2:5

dangan masasabotan mo kun ano an pagkatakot sa Kagurangnan, asin maaaraman mo an kahulogan kan pakamidbid sa Dios.

Mga Talinhaga 2:9

Kun maghinanyog ka sako, maaaraman mo kun ano an tama, matanos, saka dai nagpapalaen sa kapwa. Maaaraman mo kun ano an saimong gigibohon.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Ezekiel 45:8

An loteng ini iyo an magigin kahirasan kan prinsipe nin Israel, tanganing dai na niya pag-apihon an mga tawo, kundi pababayaan na an ibang kabtang kan daga na masadirihan kan mga tribu nin Israel.

Mikas 4:3

Siya an mahukom sa mga tawo, sa mapangyaring mga nasyon harani man o harayo. Pupulpogon ninda an saindang mga espada tanganing magin mga arado asin an saindang mga garod tanganing magin mga pantakras na kutsilyo. Dai na nanggad sinda mag-aandam para sa pakikilaban.

Lukas 2:52

Nagtalubo si Jesus asin nagdagdag an saiyang kadonongan. Nawilihan siya nin Dios asin kan mga tawo.

Juan 2:25

Dai na kaipuhan na sabihan pa siya dapit sa mga tawo, huli ta aram na niya kun ano an nasa puso ninda.

Juan 7:24

Dai kamo maghukom huli kan nahihiling nindo sa luwas; maghukom kamo nin matanos.”

Hebreyo 5:14

An matagas na kakanon para sa mga nasa tama nang edad, na nakanood nang magmidbid kan marahay o maraot.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”