Isaias 11:15 - Marahay na Bareta Biblia

¹⁵ Papamarahon nin Kagurangnan an dagat nin Egipto, asin madara siya nin mainit na doros tanganing pamarahon an Salog nin Eufrates, dangan pito sanang sadit na mga salog an saiyang itatada, tanganing pwedeng bumalyo diyan na naglalakaw an siisay man.

Isaias 11:15 ပူးပေါင်းရင်းမြစ်များ

Exodo 14:21

Inunat ni Moises an saiyang kamot sa tangod kan dagat, asin pinabalik nin Kagurangnan an dagat sa paagi nin makosog na doros hale sa sirangan. Sa bilog na banggi naghoyop an doros asin an dagat nagin mamarang daga; nabanga an tubig.

Exodo 14:22

Nag-ibong sa dagat an mga Israelita na an linakawan iyo an mamarang daga na nasa pagultanan kan duwang lanob nin tubig.

Exodo 14:29

Alagad nagbaralyo sa dagat an mga Israelita na an linakawan iyo an mamarang daga, na nasa pagultanan kan duwang lanob nin tubig.

Isaias 19:16

Maabot an panahon na an mga taga Egipto makakaarog sa mga babae. Pagtatakigan sinda sa takot kun mahiling nindang ibinikyaw na nin Kagurangnan nin mga hukbo an saiyang kamot sa pagpadusa sainda.

Isaias 43:16

Kaidtong panahon an Kagurangnan naggibo nin sarong dalan sa dagat, sarong agihan sa dakulang katubigan.

Isaias 44:27

Huli sa sarong pagboot pinaalang ko an dagat.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 51:11

May kaogmahan na makakaabot sa Jerusalem an mga ilinigtas mo, na nag-aawit saka nagkukurahaw sa kaogmahan. Magigin maogma sinda sagkod lamang, sagkod pa man ligtas sa dusa asin sa kamondoan.

Isaias 63:12

Haen na an Kagurangnan na sa paagi kan saiyang kapangyarihan, naggibo nin darakulang bagay huli ki Moises, na nagbanga kan tubig kan dagat asin nangenot sa saiyang banwaan sa hararom na tubig, saka nagkamit nin daing tapos na kabantogan?” Sa pangenot nin Kagurangnan, maliksing naglakaw an mga Israelita siring sa mga maliksing lalaw na kabayo sa desyerto, asin dai sinda nagkaturumba.

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Isaias 8:7

ako, an Kagurangnan, an madara kan emperador nin Asiria saka an bilog niyang hukbo tanganing salakayon an Juda. Madatong sinda arog sa nagbabahang tubig kan Salog nin Eufrates, na nagsusupay sa mga pangpang kaiyan.

Ezekiel 29:10

kalaban taka asin an saimong Nilo. An bilog na Egipto gigibohon kong sarong alang saka mamondong daga magpoon sa syudad nin Migdol sa amihan sagkod sa syudad nin Aswan sa habagat dangan sagkod sa pagdolonan kan Etiopia.

Ezekiel 30:12

Papamarahon ko an Salog nin Nilo asin ibubugtak ko an Egipto sa irarom kan pamamahala nin maraot na mga tawo. An bilog na nasyon raraoton nin mga dayuhan. Ako, an Kagurangnan, an nagtaram.”

Zacarias 10:11

Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.