Isaias 11:14 - Marahay na Bareta Biblia

¹⁴ Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 11:14 ပူးပေါင်းရင်းမြစ်များ

Isaias 14:29

Mga Filisteo, dai kamo mag-ogma huli ta nabari an sugkod na panhampak saindo. Huli ta kun nagagadan an sarong halas, may sarong rimoranon na minasalihid kaiyan. An sugok nin sarong halas nahihimsa na sarong dragon.

Isaias 15:1

Iyo ini an mensahe dapit sa Moab. Sa laog nin saro sanang banggi, nagkararaot an mga syudad nin Ar asin Kir; mayo na maski sarong tingog na nadadangog sa daga nin Moab.

Isaias 16:14

Alagad nagsasabi ngunyan an Kagurangnan, “Sa laog sana nin tolong taon, mawawara an dakulang kayamanan nin Moab. Sa kadaklan kan saiyang namamanwaan, kadikit sana an matatada, asin an mga ini magigin maluya.”

Isaias 25:10

Susurogon nin Kagurangnan an Bukid nin Sion, alagad titimaktimakan niya an mga taga Moab, siring kan pagtimaktimak sa dagami sa tapokan nin odo.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Isaias 63:1

“Siisay ining nagdadangadang hale sa syudad nin Bozra sa Edom? Siisay ining nakasulot nin magayon na gubing na pula na nagmamartsa na may kapangyarihan saka kakosogan?” Siya an Kagurangnan, an mapangyari sa pagligtas, na nagdadangadang sa pagpahayag kan saiyang kapangganahan.

Isaias 9:12

An Siria sa sirangan asin an Filistia sa solnopan nagbuka kan saindang mga ngoso tanganing halonon an Israel. Alagad dai pa natatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Jeremias 40:11

Nabaretaan man kan gabos na Israelita na yaon sa Moab, Ammon, Edom, asin sa iba pang daga, na tinugotan kan hade nin Babilonia na mag-erok sa Juda an nagkapirang Israelita asin na ginibo niya si Gedalias bilang gobernador ninda.

Jeremias 48:40

Nanuga an Kagurangnan na maabot an sarong nasyon na arog karikas sa agila asin uunaton niya an saiyang mga pakpak laban sa Moab;

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Jeremias 49:22

An kaiwal masalakay sa Bozra, na garo agilang nag-iibabang nakaunat an mga pakpak. Sa aldaw na iyan, magkakatarakot an mga soldados nin Edom, arog sa pagkatakot nin sarong babae na madali nang mangaki.”

Jeremias 49:28

Iyo ini an itinaram nin Kagurangnan manongod sa tribu nin Kedar saka sa mga distrito na kontrolado ni Hazor, na nasakop ni Hadeng Nebukadnezzar nin Babilonia: “Salakayon nindo an Kedar! Gadanon nindo an mga tawo na nag-eerok sa sirangan!

Ezekiel 25:14

An sakong banwaan nin Israel mabalos sa Edom para sako, asin ipapamate ninda sa Edom an dakula kong kaanggotan. Maaaraman kan Edom na ako an Kagurangnan, kun ipahiling ko na sainda an pagbalos ko sainda.” An Kagurangnan Dios an nagtaram.

Daniel 11:41

Maski an Dagang Panuga sasalakayon niya asin gagadanon an rinibong mga tawo. Alagad an Edom, Moab asin an natatada kan Ammon makakaligtas saiya.

Joel 3:19

“An Egipto magigin sarong desyerto, asin mayo nang mag-eerok sa Edom, huli ta sinalakay ninda an daga nin Juda asin ginaradan an mga tawong mayo nin sala.

Amos 9:12

Kaya masasakop kan banwaan nin Israel an natatadang daga nin Edom asin an gabos na nasyon na sadiri ko kaidto,” an sinasabi nin Kagurangnan, an magibo kan bagay na ini.

Habakkuk 1:8

“An saindang mga kabayo orog pang marikas ki sa mga leopardo, mas maringis pa ki sa gutom na mga lobo. An saindang mga parakabayo nag-aarabot hale sa harayong mga lugar; sa rikas kan saindang pangangabayo, garo sinda mga agilang naglalayog pasiring sa saindang biktima.

Sofonias 2:5

Magagadan kamong mga Filisteo, kamo na mga nag-eerok sa tampi kan dagat. Hinukoman na kamo kan Kagurangnan. Gagadanon niya kamo asin mayo nin siisay man na matatada saindo.

Sofonias 2:7

An mga natatadang namamanwaan nin Juda iyo an mag-eerok sa saindong daga. Papasabsabon ninda duman an saindang mga karnero asin makatorog sinda sa mga harong sa Askelon. Iibahan sinda kan Kagurangnan na saindang Dios, asin papauswagon giraray niya sinda.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Mga Bilang 24:17

An maabot na aldaw sakong tinatanaw, Asin an nasyon nin Israel sakong nahihiling. Sarong bitoon an maluwas ki Jacob, sarong hade an magikan sa Israel. Siya an maronot kan payo ni Moab Asin mapatumba kan mga aki ni Set.

Mateo 8:11

Sa katotoohan sinasabihan ko kamo, dakul an maabot hale sa sirangan asin sa solnopan; dangan makakan kaiba ni Abraham, ni Isaac asin ni Jacob sa Kahadean nin langit.

Hukom 6:3

Kun minatanom an mga Israelita, minaabot sa pagsalakay sainda an mga Midianita kaiba an mga Amalekita sagkod an mga tribung nag-eerok sa desyerto.