Isaias 11:12 - Marahay na Bareta Biblia

¹² Iiitaas nin Kagurangnan an sarong bandera tanganing ipahiling sa mga nasyon na titiponon niya giraray an nawarak na banwaan nin Israel saka Juda dangan ibabalik niya sinda hale sa apat na poro kan daga.

Isaias 11:12 ပူးပေါင်းရင်းမြစ်များ

Salmo 107:3

asin ibinalik hale sa ibang daga, hale sa sirangan asin sa solnopan, hale sa amihan asin sa habagat.

Salmo 147:2

Pinapatindog nin Kagurangnan an Jerusalem; ibinabalik niya an mga nabihag na Israelita.

Salmo 60:4

Pinatanidan mo an mga may pagkatakot saimo, tanganing makadulag sa pana kan kaiwal.

Salmo 68:22

Nagtaram an Kagurangnan, “Ibabalik ko sinda hale sa Basan, ibabalik ko sinda hale sa mga kairaroman nin dagat,

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 43:6

Tataraman ko an amihan na butasan sinda asin an habagat na dai sinda pagpugolon. Tugote nindong magbalik an sakong banwaan hale sa harayong mga daga, hale sa gabos na poro ka kinaban.

Isaias 49:22

Nagsasabi an Kagurangnan Dios sa saiyang banwaan, “Uya, iiitaas ko an sakong kamot sa mga nasyon, asin iiitaas ko an sakong tanda sa mga banwaan; dangan dadarahon nindang papuli an saindang mga aking lalaki sa saindang daghan, saka an saindang mga aking babae sa saindang mga abaga.

Isaias 49:5

Bago ako namundag pinili na ako nin Kagurangnan; ginibo akong sorogoon niya nganing ibalik an mga nagkawararak na tawo nin Israel. Tinatawan ako nin kaomawan kan Kagurangnan; an sakong kosog saiya minagikan.

Isaias 54:7

“Sa kadikit na panahon binayaan taka; sa dakulang pagkamoot kukuahon taka.

Isaias 56:8

An Kagurangnan Dios, na nagdara pabalik kan saiyang banwaan hale sa pagkatapokan, nangako na dadarahon pa niya an ibang tawo tanganing makaiba kan saiyang banwaan.

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 60:4

Pangalagkalag sa palibot mo asin hilinga kun ano an nangyayari: nagtitiripon an saimong banwaan tanganing magpuli! Hale sa harayong lugar madatong an saimong mga aking lalaki; kikilikon an saimong mga aking babae arog sa pagkilik sa mga aki.

Isaias 62:10

Mga namamanwaan nin Jerusalem, lumuwas kamo sa syudad asin gumibo nin tinampo para sa saindong nagbabalik na kahimanwa! Andama nindo an sarong tinampo; haralea nindo an mga gapo! Magbugtak kamo nin sarong tanda nganing an mga nasyon makaaram

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 23:3

Titiponon ko an natada sa sakong banwaan hale sa mga nasyon na tinapokan ko sainda. Ibabalik ko sinda sa dagang namundagan ninda dangan mag-aaki giraray sinda saka madakul.

Jeremias 30:17

Itatao ko giraray saindo an marahay na hawak; bobolongon ko an mga lugad nindo maski nagsasabi an mga kaiwal nindo, ‘Isinikwal an Sion; mayo nin siisay man na nagmamakulog saiya!’ Ako, an Kagurangnan, an nagtaram.”

Jeremias 50:4

Nagsasabi an Kagurangnan, “Pag-abot kan panahon na iyan, naghihibing maabot an mga taga Israel saka mga taga Juda, sa paghanap sako, na saindang Dios.

Jeremias 51:12

Iitaas nindo an bandera sa pagsalakay sa mga kudal kan Babilon. Dugangan nindo an mga bantay! Padumana sinda sa lugar na saindang babantayan! Magbugtak nin mga lalaki na mahipa!” Ginibo nin Kagurangnan an sinabi niya manongod sa mga taga Babilonia.

Ezekiel 28:25

Nagtaram an Kagurangnan Dios, “Titiponon ko giraray an banwaan nin Israel hale sa mga nasyon na pinagwarakan ko sa sainda, asin maaaraman kan gabos na nasyon na ako banal. An banwaan nin Israel mag-eerok sa sadiri nindang daga, sa daga na itinao ko ki Jacob na sakuyang sorogoon.

Oseas 1:11

Magkakasararo giraray an mga taga Juda saka an mga taga Israel. Mapili sinda nin saro sanang lider, asin siring sa dati, madakul sinda saka mauswag sa saindang daga. Iyo, magigin dakula an aldaw nin Jezreel!

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Sofonias 3:10

Hale sa harayong daga nin Etiopia, an nagkawararak kong banwaan madara sako nin mga dolot.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Zacarias 8:7

Ililigtas ko an sakong banwaan hale sa mga dagang pinagdarahan sainda,

Juan 7:35

Nag-orolay-olay an mga Judio, “Saen daw siya maduman ta dai ta daa siya makukua? Maduman daw siya sa mga Judio sa Grecia nganing tukdoan niya an mga Griyego?

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.

Santiago 1:1

Surat na hale ki Santiago na sorogoon nin Dios asin ni Jesu-Cristong Kagurangnan. Pangongomusta sa doseng tribu na nasa pagkawarak.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.

Kapahayagan 7:1

Pakatapos kaini, nahiling ko an apat na anghel na nagtitindog sa apat na poro kan kinaban, pugol an apat na doros, tanganing mayong doros na maghuyop sa daga, o sa dagat, o sa arin man na kahoy.