Isaias 11:11 - Marahay na Bareta Biblia

¹¹ Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 11:11 ပူးပေါင်းရင်းမြစ်များ

Genesis 10:10

Kaayon sa kaenot-enoteng kahadean na sakop niya iyo an Babilon, an Erek, asin an Accad, na gabos yaon sa daga kan Babilonia.

Genesis 10:22

An mga aking lalaki ni Sem iyo si Elam, Assur, Arpaksad, Lud asin Aram.

Genesis 11:2

Sa pagparalakaw kan mga tawo sa sirangan, nakaabot sinda sa sarong kapatagan sa daga kan Babilonia asin duman na sinda nag-erok.

Genesis 14:1

Igwa nin apat na hade, si Amrafel kan Babilonia, si Ariok kan Ellasar, si Kedorlaomer kan Elam, asin si Tidal kan Goiim,

Genesis 2:13

An ikaduwa iyo an Gihon na minabulos sa palibot kan daga nin Cus

2 Mga Hade 17:24

An emperador nin Asiria nagkua nin mga tawo hale sa mga syudad nin Babilon, Cut, Ivva, Hamat, saka Sefarvaim dangan pinaerok sinda sa mga syudad nin Samaria bilang kasalihid kan itinapok na mga Israelita. Kaya sinadiri ninda an Samaria saka nag-erok sinda sa mga syudad duman.

Esther 10:1

Pinapagbuhis ni Hadeng Jerjes an gabos na tawo na sakop niya, sagkod kan mga nag-eerok sa tampi kan mga dagat.

Salmo 68:22

Nagtaram an Kagurangnan, “Ibabalik ko sinda hale sa Basan, ibabalik ko sinda hale sa mga kairaroman nin dagat,

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Isaias 10:20

Maabot an panahon na an mga tawong natada sa Israel dai na mananarig sa nasyon na kadikit nang magpuho sainda, kundi sa Kagurangnan, an Banal nin Israel, sa bilog na katotoohan.

Isaias 10:9

Sinakop ko an mga syudad nin Calno asin Carkemis, an Hamat saka an Arpad. Sinakop ko an Samaria asin an Damasco.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 19:21

Ipapahayag nin Kagurangnan an saiyang sadiri sa mga Egipcio; dangan mimidbidon saka sasambahon siya ninda asin madara sinda nin mga sakripisyo saka mga dolot. Manunuga sinda sa Kagurangnan asin ootobon ninda iyan.

Isaias 19:22

Papadusahan nin Kagurangnan an mga Egipcio, alagad bobolongon niya sinda. Mabalik sinda saiya, asin dadangogon niya an saindang mga pamibi dangan bobolongon niya sinda.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 22:6

An mga soldados hale sa daga nin Elam nag-abot na nakalunad sa mga kabayo, armado nin mga pana. Inandam na man kan mga soldados na hale sa Kir an saindang mga kalasag.

Isaias 24:15

mantang an mga nasa sirangan mag-oomaw saiya. Mag-oomaw sa Kagurangnan, an Dios nin Israel, an mga nag-eerok sa baybayon.

Isaias 37:31

An mga magkakatarada sa Juda mag-uuswag siring sa mga tinanom na nakagamot nin hararom sa daga dangan namunga.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 42:12

Magtao nin pag-omaw saka kamurawayan sa Kagurangnan an mga nag-eerok sa harayong mga daga!

Isaias 42:4

Dai siya mawawaraan nin paglaom o kosog nin boot; papupusogon niya an hustisya sa kinaban. Hinahalat kan mga harayong daga an saiyang katukdoan.”

Isaias 45:14

An Kagurangnan nagsasabi sa Israel, “Mapapasaimo an kayamanan nin Egipto saka Etiopia, asin magigin mga oripon mo an haralangkaw na lalaki nin Seba; magsusunod sinda saimo na nakakadena. Maluhod sinda sa atubang mo asin masabi, ‘An Dios kaiba mo—siya sana an Dios.

Isaias 49:12

Maabot an sakong banwaan hale sa harayong lugar, hale sa amihan saka sa solnopan, asin hale sa Aswan sa habagat.”

Isaias 66:19

asin maaaraman ninda na ako an nagpapadusa sa sainda. “Alagad dai ko gagadanon an iba sainda. Susugoon ko sinda sa mga nasyon asin sa mga hararayong lugar na dai pa nakakadangog kan sakong kabantogan saka kapangyarihan: sa Espanya, sa Libya, asin sa Lydia, na igwang ekspertong mga parapana, patin sa Tubal saka sa Grecia. Ipapahayag kan mga tawong ini an sakong kadakulaan sa mga nasyon na ini.

Jeremias 31:10

Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Jeremias 44:1

Nagtaram sako an Kagurangnan manongod sa gabos na Israelita na nag-eerok sa Egipto, sa mga syudad nin Migdol, Tafanhes, Memfis, saka sa habagat na parte kan daga.

Jeremias 49:23

Iyo ini an itinaram nin Kagurangnan manongod sa Damasco: “Nahahadit saka napupurisaw an mga taga Hamat asin an mga taga Arpad huli ta nakadangog sinda nin maraot na bareta. Dai sinda napapaontok huli sa kahaditan, arog sinda sa dagat na maalon.

Ezekiel 27:6

An mga kahoy na hamurawon nin Basan iyo an ginibo nindang mga sagwan; asin an mga salog mo gibo sa mga kahoy na aguho, na hale sa Chipre, na tinampokan nin mga marpil.

Ezekiel 29:14

Dadarahon ko sinda sa daga nin Patros, an daga na saindang ginikanan. Sinda magigin sarong maluyang kahadean duman,

Ezekiel 30:14

Raraoton ko an Patros asin susuloon ko an Zoan. Papadusahan ko an pangenot na syudad nin Tebes.

Ezekiel 32:24

“Yaon duman an Elam, na napapalibotan kan mga lulubngan kan saiyang mga soldados. Gabos sinda nagadan sa gera, asin naglusad, sinda na bakong diosnon na mga tawo, sa kinaban kan mga gadan. Kan buhay pa sinda, tinakot ninda an daga kan mga nabubuhay, alagad ngunyan dara ninda sa lulubngan an kasosopgan kaiba kan mga nagkagaradan.

Ezekiel 38:8

Pakalihis nin dakul na taon, pagbobotan ko siya na salakayon an sarong banwaan na an mga tawo ibinalik asin tinipon hale sa dakul na mga nasyon dangan nag-erok na mayo nin takot sa gera. Sasalakayon niya an kabukidan nin Israel, na kaidto mamondo asin mayong nag-eerok, alagad ngunyan pinag-eerokan na nin mga tawong namumuhay na matiwasay.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.

Daniel 11:18

Pakatapos kaiyan, sasalakayon niya an mga nasyon sa tampi kan dagat asin sasakopon niya an kadaklan sainda. Alagad dadaogon siya kan sarong dayuhan na lider asin tataposon kaini an saiyang kapaabaw-abawan; sa katotoohan ipapakakan kan lider na ini sa hade nin Siria an kapalangkawan kaini.

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Oseas 1:11

Magkakasararo giraray an mga taga Juda saka an mga taga Israel. Mapili sinda nin saro sanang lider, asin siring sa dati, madakul sinda saka mauswag sa saindang daga. Iyo, magigin dakula an aldaw nin Jezreel!

Oseas 11:10

“Masunod sako an sakong banwaan kun ngaroban ko arog sa sarong leon an saindang mga kaiwal. Maghihidali sinda sa pagdolok sako hale sa solnopan.

Oseas 11:11

Madatong sinda hale sa Egipto siring sa marikas na mga gamgam, asin siring sa mga salampati hale sa Asiria. Ibabalik ko sinda sa sadiri nindang mga harong. Ako, an Kagurangnan, an nagtaram.”

Mikas 7:12

Mabaralik sa saindo an saindong mga kahimanwa hale sa manlaen-laen na lugar—hale sa Asiria sa sirangan, hale sa Egipto sa habagat, hale sa rehiyon kan Salog nin Eufrates, hale sa hararayong kadagatan saka kabukidan.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Zacarias 5:11

Nagsimbag siya, “Sa Babilonia, saen mapatindog sinda nin sarong templo para saiya. Kun haman na an templo, ibubugtak ninda duman an basket tanganing pagsambahon.”

Zacarias 8:7

Ililigtas ko an sakong banwaan hale sa mga dagang pinagdarahan sainda,

Zacarias 9:2

An Hamat, na nasa pagdolonan nin Hadrak, sadiri man niya. Sadiri man nin Kagurangnan an mga syudad nin Tiro saka Sidon, maski mga madonong sinda.

Roma 11:15

Huli ta kan isikwal an mga Judio, ibinalik nin Dios an marahay na relasyon niya sa iba pang mga tawo sa kinaban. Ano pa daw kun an mga Judio akoon na niya? Iyan sarong pagkabuhay liwat.

Roma 11:26

Pakatapos kaiyan, makakaligtas an bilog na Israel, sosog sa sinasabi sa kasuratan, “An Paraligtas maabot hale sa Sion; hahaleon niya an gabos na katampalasanan sa kapagarakian ni Jacob.

2 Corinto 3:16

Alagad mahahale an tahob siring sa nasasabi sa kasuratan manongod ki Moises: “An tahob saiya nahale kan siya magbalik sa Kagurangnan.”

Deuteronomio 9:29

Iyo baga ini an banwaan na saimong pinili bilang sadiri asin ilinuwas sa Egipto huli kan saimong dakulang kapangyarihan asin kosog.’