Isaias 10:6 - Marahay na Bareta Biblia

⁶ Isinusubol ko an Asiria sa pagsalakay kan mga bakong diosnon na nasyon, mga banwaan na nagpaanggot sakuya. Isinusubol ko sinda tanganing manamsam, manghabon, asin magtimaktimak sa mga banwaan na garo laboy sa mga tinampo.”

Isaias 10:6 ပူးပေါင်းရင်းမြစ်များ

2 Samuel 22:43

Rinonot ko sindang pino arog sa alpog kan daga, tinimak-timakan ko sinda siring sa laboy sa mga tinampo.

2 Mga Hade 18:25

Naghohona siya na nagsasalakay ako tanganing gabaon an saiyang banwaan na mayo nin tabang hale sa Kagurangnan? An Kagurangnan mismo an nagtaram sako na salakayon an Jerusalem asin rumpagon.”

Isaias 19:17

Huli sa Juda tatakigan sinda nin makuri sa gabos na panahon na pagiromdomon sinda kan padusang inandam para sainda kan Kagurangnan nin mga hukbo.

Isaias 22:5

Iyo ini an panahon nin katakotan, pagkadaog, asin nin pagkaribong sa Kapantayan nin Bisyon na ipinadara sato kan Makakamhan na Kagurangnan Dios nin mga hukbo. Nagaba na an kudal kan samong syudad, asin an agrangay sa paghagad nin tabang nadadangog sa kabubuldan.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Isaias 32:6

An sarong lolong nagtataram nin kalolongan asin nag-iisip nin karatan; an sinasabi saka ginigibo niya anas pag-olog-olog sa Kagurangnan; dai niya pinapakakan an nagugutom o pinapainom an napapaha.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Isaias 49:17

“An mga mahirahay saimo madali nang dumatong, asin maharale na an mga nagraot saimo.

Isaias 49:25

Nagsisimbag an Kagurangnan, “Maaagaw maski an mga nabihag kan mga soldados, asin maaagaw an sinamsaman kan makuring mananakop. Lalabanan ko an nakikilaban saindo asin ililigtas ko an mga aki nindo.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 5:29

An saindang mga soldados minaungal na garo mga leon na nakagadan nin sarong hayop dangan dinadara ini sa lugar na mayo nin makakaagaw kaiyan sainda.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Isaias 63:3

Nagsisimbag an Kagurangnan, “Siring sa mga ubas, tinimaktimakan ko an mga nasyon, asin mayo nin nagtabang sako. Tinimaktimakan ko an mga nasyon sa sakong kaanggotan, asin namantsahan kan saindang dugo an sakong gubing.

Isaias 63:6

Sa labi-labi kong kaanggotan, tinimaktimakan ko an mga nasyon asin rinonot sinda. Inula ko an saindang dugo sa daga.”

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Isaias 8:8

Mabulos iyan sa bilog na Juda siring sa sarong baha na minalangkaw paliog asin minatahob kan gabos.” An Dios nasa sato! An saiyang unat na mga pakpak an nag-iingat kan daga.

Isaias 9:17

Kaya dai matugot an Kagurangnan na makadulag an mga hoben na lalaki, asin dai siya maheherak sa mga balong babae saka sa mga ilo, huli ta bakong diosnon an mga tawo; mga maraot sinda asin gabos karatan an saindang sinasabi. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Jeremias 34:22

Itatao ko an pagboot asin mabalik sinda sa syudad na ini. Sasalakayon ninda ini, sasakopon, saka susuloon. Iaarog ko sa desyerto an mga banwa nin Juda na mayo nin nag-eerok. Ako, an Kagurangnan, an nagtaram.”

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Ezekiel 29:20

Itinatao ko saiya an Egipto bilang kabayadan saiya, huli ta naglingkod sako an saiyang hukbo. Ako, an Kagurangnan Dios, an nagtaram.

Ezekiel 38:12

Hahabonan mo asin sasamsaman an nag-eerok sa mga syudad na kaidto gabos rumpag. Tinipon sinda hale sa mga nasyon, asin ngunyan igwa na sinda nin mga ataman na hayop saka mga pagsadiri dangan nag-eerok na sinda sa sentro kan kinaban.

Ezekiel 38:13

Hahapoton ka kan mga taga Sheba, taga Dedan, asin kan mga negosyanteng hale sa mga banwa nin Espanya, ‘Tinipon mo daw an saimong hukbo asin nagsalakay tanganing manghabon saka manamsam? Plano mo daw na kuahon an plata asin bulawan, an mga hayop saka pagsadiri, dangan maghale na dara an siring na mga sinamsaman?’”

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Mateo 15:7

Mga parasagin-sagin! Tama nanggad si Isaias kan siya magpropesiya dapit saindo: