Isaias 10:5 - Marahay na Bareta Biblia

⁵ Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 10:5 ပူးပေါင်းရင်းမြစ်များ

Genesis 10:11

Hale sa dagang ini nagduman siya sa Asiria asin itinugdok an mga syudad nin Nineve, Rehobot-ir, Cala,

2 Mga Hade 18:25

Naghohona siya na nagsasalakay ako tanganing gabaon an saiyang banwaan na mayo nin tabang hale sa Kagurangnan? An Kagurangnan mismo an nagtaram sako na salakayon an Jerusalem asin rumpagon.”

2 Mga Hade 19:25

“Dai mo pa nanggad nabaretaan na ako an nagplano kan gabos na ini kaidto? Ngunyan ginibo ko na! Tinawan taka nin kapangyarihan sa pagrumpag nin mga pinapusog na mga syudad.

Salmo 125:3

Huli ta an mga tampalasan dai maghahade sa daga na ipinamana sa mga matanos, ta tibaad sagkod an mga matanos maggibo nin karatan.

Salmo 17:14

ligtasan ako kan saimong kamot, Kagurangnan, sa mga tawo na an kabtang sa buhay yaon digdi sa kinaban. Padusahan mo sinda kan mga pasakit na saimong inandam. May matada pa logod para sa saindang kaakian, asin para sa saindang kapagarakian.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 10:25

Huli ta kadikit na sanang panahon asin matatapos na an pagpadusa saindo, dangan sinda an gagadanon ko.

Isaias 13:5

Harale pa sinda sa harayong mga daga, sa poro kan kinaban. Maabot an Kagurangnan sa pagraot kan bilog na daga sa saiyang kaanggotan.

Isaias 14:24

An Kagurangnan nin mga hukbo nagsumpa: “Kun ano an sakong plinano, mangyayari. Kun ano an sakong boot na gibohon, magigibo.

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 23:13

An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Isaias 26:20

Lumaog kamo sa saindong mga harong, sakong banwaan, asin serahan nindo an mga pintoan. Magtrabaho kamo sa kadikit na panahon sagkod na matapos an kaanggotan nin Dios.

Isaias 29:2

dangan an Dios madara nin kasakitan sa syudad na inaapod “altar nin Dios.” Magkakaigwa nin paghibi saka paghaya, asin an bilog na syudad magigin sarong altar na natatahoban nin dugo.

Isaias 30:27

Uya, an Kagurangnan nagdadangadang hale sa harayo. An kalayo saka an aso nagpapahiling kan saiyang kaanggotan. Nagtataram siya, asin nakakasulo an saiyang mga tataramon siring sa kalayo.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 30:9

Matumang sinda sa Dios, danay na nagpuputik, danay na nagtatalikod sa katukdoan nin Kagurangnan.

Isaias 34:2

Anggot an Kagurangnan sa gabos na nasyon asin sa gabos nindang hukbo. Sinentensyahan na niya sinda nin kagadanan.

Isaias 66:14

Kun mahiling na nindo na nangyayari ini, maoogma kamo; ini an magpapakosog asin magpapataba saindo. Dangan maaaraman nindo na ako, an Kagurangnan, an nagtatabang sa mga nagkukuyog sako, asin ipinapahiling ko an sakong kaanggotan tumang sa sakong mga kaiwal.”

Isaias 7:17

“An Kagurangnan mapadara saimo, sa saimong banwaan, asin sa harong nin saimong ama, nin mga aldaw nin kasakitan na mas makuri ki sa nangyari poon kan magsuhay an kahadean nin Israel sa Juda—dadarahon niya an hade nin Asiria.

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Isaias 8:4

huli ta bago siya makanood na magtaram nin ‘Ama ko’ o ‘Ina ko’, an gabos na kayamanan nin Damasco asin an gabos na sinamsaman nin Samaria dadarahon kan hade nin Asiria.”

Isaias 8:7

ako, an Kagurangnan, an madara kan emperador nin Asiria saka an bilog niyang hukbo tanganing salakayon an Juda. Madatong sinda arog sa nagbabahang tubig kan Salog nin Eufrates, na nagsusupay sa mga pangpang kaiyan.

Ezekiel 22:31

Kaya iuula ko sainda an sakong kaanggotan, asin siring sa kalayo, susuloon ko sinda huli kan saindang mga ginibo.” An Kagurangnan Dios an nagtaram.

Ezekiel 7:10

Nagdadangadang na an aldaw! Namumurak na an inhustisya asin nagsusupang na an kapaabaw-abawan.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Habakkuk 1:12

Kagurangnan, poon sa kapinonan ika an Dios. Ika an sakong banal, na Dios asin mayo kang kapinonan saka kataposan. Kagurangnan, sakong Dios saka parasurog, pinili mo an mga taga Babilonia dangan pinakosog tanganing mapadusahan ninda kami.

Sofonias 2:13

Gagamiton nin Kagurangnan an saiyang kapangyarihan tanganing raoton an Asiria. An syudad nin Nineve gigibohon niyang sarong raot na lugar na mayo nin tawo, sarong mayo nin tubig na desyerto.

Mga Bilang 24:24

Alagad madatong an mga barko hale sa Chipre Tanganing saindang sakopon an Asiria asin an Eber Alagad sa kataposan mapapara sinda sagkod lamang.”