Isaias 10:3 - Marahay na Bareta Biblia

³ Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 10:3 ပူးပေါင်းရင်းမြစ်များ

Genesis 31:1

Nadangog ni Jacob na ipinapamareta kan mga aking lalaki ni Laban na, “Kinua ni Jacob an gabos na sadiri kan samong ama. An gabos niyang yaman gikan sa sadiri kan samong ama.”

2 Mga Hade 7:15

Naghale sinda asin nakaabot sagkod sa Jordan; nahiling ninda na an dalan pano nin mga gubing asin kagamitan na itinarapok kan mga Siro sa saindang kasibotan. Nagbalik an mga sinugo asin inosip ini sa hade.

An Libro ni Job 31:14

ano an magigibo ko kun maghukom na an Dios? Kun siya magsiyasat, ano an isisimbag ko saiya?

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Isaias 13:6

Pagkurahaw sa kulog, huli ta harani na an aldaw nin Kagurangnan, an aldaw na raraoton nin Kagurangnan an Babilon!

Isaias 17:4

Nagsabi an Kagurangnan, “Maabot an aldaw na matatapos an kadakulaan nin Israel, asin an kayamanan kaiyan mariribayan nin kadukhaan.

Isaias 20:6

Pag-abot kan panahon na iyan, masabi an mga nag-eerok sa baybayon kan Filistea, ‘Hilinga! Iyo ini an mangyayari sa satong linaoman asin hinagadan nin tabang tanganing surogon kita sa hade nin Asiria! Paano kita makakadulag?’”

Isaias 26:14

Garadan na sinda ngunyan asin dai na mabubuhay giraray; dai na mabangon an saindang mga kalag, huli ta pinadusahan mo sinda asin saimong ginadan. Mayo nang nakakagiromdom sa sainda ngunyan.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 28:20

Makakaarog kamo kan lalaki sa talinhaga, na naghingowang magkatorog sa sarong katre na halipot para saiya, na may tamong na sadit nin marahay tanganing matahoban siya.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 30:16

Kundi boot pa nindong magdulag sa saindong mga kaiwal sa paagi nin pagsakay sa maririkas na kabayo. Tama kamo—an pagdulag iyo mananggad an kaipuhan na gibohon nindo! Naghohona kamong marikas na an saindong mga kabayo, alagad mas marikas an mga kabayo kan mga naglalamag saindo!

Isaias 30:5

an mga taga Juda mabasol na nagsarig sinda sa dai masasarigan na nasyon, sarong nasyon na dai makakatao nin tabang sa panahon na linalaom ninda iyan.”

Isaias 30:7

An tabang na itinatao nin Egipto mayo nin kamugtakan. Kaya nginaranan ko an Egipto nin ‘An Dragon na Dai Naghihiro sa Pakatukaw.’”

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 39:3

Dangan nagduman an propetang si Isaias ki Hadeng Ezekias asin naghapot, “Saen hale an mga lalaking ini? Ano an sinabi ninda saimo?” Nagsimbag si Ezekias, “Hale sinda sa harayong nasyon, sa Babilonia.”

Isaias 5:14

An kinaban kan mga gadan nagugutom para sainda asin an buka kan saiyang ngimot dai na masusukol; hahalonon niya an ginagalangan sa Jerusalem saka an saindang kairiba, sagkod an mga maribok na grupo nin ordinaryong mga tawo.

Isaias 5:26

Aapodon nin Kagurangnan an sarong harayong nasyon. Sisiwitan niya iyan sa mga poro kan kinaban, asin madatong tolos iyan!

Jeremias 22:7

Mapadara ako nin mga tawong magaba kaiyan; an lambang saro sainda may darang patok. Puputolon ninda an magagayon na hariging sedro kaiyan saka itatapok sa kalayo.

Jeremias 4:30

Jerusalem, hinukoman ka na! Tadaw ta naggugubing ka pa nin pula? Tadaw ta nagsusulot ka nin mga alahas saka kinokoloran mo an saimong mga mata? Mayo na nin halaga an pagpagayon mo. Isinikwal ka na kan saimong mga sambay asin boot ka nindang gadanon.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 9:9

Dai ko daw sinda papadusahan huli kan mga bagay na ini? Dai ko daw babaloson an siring na nasyon? Ako, an Kagurangnan, an nagtaram.”

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.

Oseas 9:5

Pag-abot kan mga itinalaan na pyesta sa pag-omaw sa Kagurangnan, ano an saindang gigibohon?

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!

Mikas 7:4

Maski an pinakamarahay saka pinakaonesto sa sainda garo mga tonok na mayo nin halaga. Nag-abot na an aldaw kan pagpadusa nin Dios sa mga tawo, siring kan saiyang ipinatanid sainda sa paagi kan saindang mga parabantay, an mga propeta. Ngunyan, nagkakariribong sinda.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Lukas 19:44

Roronoton ka ninda sagkod an saimong mga aki; mayo sindang itatadang gapo na nakapatong sa kapwa gapo, huli ta dai mo minidbid an panahon kan pagdalaw nin Dios saimo!”

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.