Isaias 10:26 - Marahay na Bareta Biblia

²⁶ Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 10:26 ပူးပေါင်းရင်းမြစ်များ

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

Salmo 35:23

Magmata ka, Kagurangnan, sa pagsurog sako; bumangon ka, sakuyang Dios, sa pagtabang sako.

Salmo 83:11

An mga lider ninda iarog mo ki Oreb saka ki Zeeb; an mga prinsipe ninda iarog mo ki Zeba asin ki Zalmunna,

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Isaias 10:24

Kaya nagsabi an Kagurangnan nin mga hukbo sa saiyang banwaan na nag-eerok sa Sion, “Dai kamo matakot sa mga taga Asiria, maski inaapi ninda kamo siring sa pag-api saindo kaidto kan mga Egipcio.

Isaias 11:16

Dangan magkakaigwa nin tinampo hale sa Asiria, na aagihan kan natadang mga tawo nin Israel, siring na nagkaigwa man nin tinampo an saindang mga ginikanan kan magluwas sinda sa Egipto.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 30:31

Magkakatarakot an mga taga Asiria kun madangog na ninda an tingog nin Kagurangnan asin mamamatean ninda an kosog kan saiyang padusa.

Isaias 30:32

An lambang paghampak sainda nin Kagurangnan sasabayan kan tanog nin mga tamborin saka lira kan saiyang banwaan. An Dios mismo an makikilaban sa mga taga Asiria.

Isaias 9:3

Tinawan mo sinda nin dakulang kaogmahan, Kagurangnan; pinaogma mo sinda. Naoogma sinda sa saimong ginibo, siring na naoogma an mga tawo kun sinda nag-aani o kun sinda naghihiras kan mga sinamsam.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Kapahayagan 11:18

Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”

Kapahayagan 19:15

Nagluwas sa saiyang ngoso an sarong matarom na espada na iyo an gagamiton niya sa pagdaog kan mga nasyon. Magsasakop siya sainda na may kapot na pamakol na lansang, dangan papaluwason niya sa gilingan nin ubas an arak kan makangingirhat na kaanggotan nin Dios na Makakamhan.

Hukom 7:25

Nadakop ninda an duwang prinsipe kan Midian na si Oreb asin Zeeb. Ginadan ninda si Oreb sa Gapo nin Oreb asin si Zeeb sa pugaan nin ubas ni Zeeb. Padagos nindang linamag an mga Midianita asin dinara ninda an mga payo ni Oreb saka ni Zeeb ki Gideon sa ibong kan Jordan.