Isaias 10:15 - Marahay na Bareta Biblia

¹⁵ Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 10:15 ပူးပေါင်းရင်းမြစ်များ

Isaias 10:5

Nagtaram an Kagurangnan, “An Asiria ginagamit kong pamakol tanganing padusahan an sakong mga naaanggotan.

Isaias 29:16

Binabalintong ninda an gabos. Arin an orog na mahalaga, an paragibo nin koron o an laboy? Makakataram daw sa tawong kaggibo saiya an anoman asin magsabing, “Bakong ika an naggibo sako”? O pwede daw magsabi iyan saiya nin, “Dai ka tatao kan saimong ginigibo”?

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 45:9

Herak man sa nakikipasuhay sa kaggibo saiya, an sarong koron sa paragibo nin koron! Minahapot daw an laboy sa paragibo nin koron kun ano an ginigibo kaini? Minareklamo daw an koron na dai tatao an naggibo saiya?

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Ezekiel 28:9

Sa atubang kan magadan saimo, makakasabi ka pa daw na ika sarong dios, maski tawo ka man sana asin bakong dios?