Isaias 10:14 - Marahay na Bareta Biblia

¹⁴ An mga nasyon sa kinaban arog sa salagan nin gamgam; madali kong natipon an saindang kayamanan siring sa pagtipon nin mga sugok. Mayo nin sarong pakpak na naghiro tanganing takoton ako; mayo ni sarong tuka na nagbuka tanganing kurahawan ako!”

Isaias 10:14 ပူးပေါင်းရင်းမြစ်များ

2 Mga Cronica 32:13

Dai nindo naaaraman an ginibo ko asin kan sakuyang mga ginikanan sa gabos na tawo kan ibang mga nasyon? Ikinaligtas daw samo kan mga dios kan mga nasyon na idto an saindang mga daga?

An Libro ni Job 31:25

kun nag-orgulyo ako huli ta dakul an sakong kayamanan o huli ta dakul an natipon kan sakong kamot;

Mga Talinhaga 18:12

Mapalangkaw an tawo kun dai pa naabot an kapahamakan, alagad an dalan pasiring sa kaomawan iyo an kapakumbabaan.

Isaias 14:6

na sa kaanggotan nang-api nin mga banwaan asin dai nag-ontok sa pagpasakit sa mga nasyon na sinakop ninda.

Isaias 37:25

Naghambog ka na nagkalot ka nin mga bubon asin nag-inom nin tubig sa dayuhan na mga daga, patin na an Salog nin Nilo nagmara kan timaktimakan ini kan saimong mga soldados.

Isaias 5:8

Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Jeremias 49:16

Dinaya ka kan saimong kapalangkawan. Mayo nin natatakot saimo, arog kan iniisip mo. Nag-eerok ka sa mga lungib sa kagapoan, na nasa kaitaasan kan bukid. Alagad maski nag-eerok ka sa halangkaw na lugar arog kan agila, ibababa ka nin Kagurangnan. An Kagurangnan an nagtaram.”

Ezekiel 35:13

Nadangog ko an dakul na kahambogan na sinabi mo tumang sako.”

Obadias 1:4

Maski siring kahalangkaw kan salagan nin agila an saimong harong; maski pa iyan kapantay kan mga bitoon, alagad guguyodon taka paibaba.

Nahum 2:9

Samsamon nindo an plata! Samsamon nindo an bulawan! An syudad pano nin kayamanan!