Isaias 10:12 - Marahay na Bareta Biblia

¹² Alagad nagtataram an Kagurangnan, “Kun matapos ko na an sakong ginigibo sa Bukid nin Sion asin sa Jerusalem, papadusahan ko an emperador nin Asiria huli kan saiyang kapaabaw-abawan saka kapalangkawan.”

Isaias 10:12 ပူးပေါင်းရင်းမြစ်များ

2 Mga Hade 19:31

Huli ta sa Jerusalem asin sa Bukid nin Sion may kadikit na matatada. An pagmakulog nin Kagurangnan iyo an magibo kaini.

Salmo 18:27

Iliniligtas mo an mga mapakumbaba, alagad an mga mapaabaw-abaw saimong ibinababa.

Salmo 21:10

Mayo nin matatada sa saindang kapagarakian; sinda gabos gagadanon kan hade.

Salmo 76:10

An kaanggotan nin tawo magtatao nin kaomawan saimo; an makaligtas sa gera iyo an maselebrar kan saimong mga pyesta.

Salmo 76:5

An maiisog nindang soldados binawian kan saindang sinamsam, asin ngunyan nagkakatorog sa kagadanan; gabos nindang kosog asin kahusayan mayo nin kamugtakan.

Mga Talinhaga 21:4

Pagkamoot sa sadiri asin kapaabaw-abawan—iyo an tanda kan maraot saka iyan kasalan.

Mga Talinhaga 30:13

Igwa nin mga tawo na mapaabaw-abaw—naghohona sinda na sinda marahay.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 24:21

Maabot an panahon na papadusahan nin Kagurangnan an mga kapangyarihan sa itaas asin an mga namamayo kan daga.

Isaias 27:7

Mas makuri an padusa na itinao nin Kagurangnan sa kaiwal nin Israel ki sa Israel, asin mas dakul na lalaki an nagkagaradan.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 37:29

Huli kan kaanggotan mong iyan tumang sako asin kan kapaabaw-abawan mong nakaabot sa sakong pandangog, bubugtakan taka nin salongasing saka renda dangan ibabalik taka sa hinalean mo.”

Isaias 5:15

An gabos na tawo sosopogon, asin ibababa an mga mapaabaw-abaw.

Isaias 50:11

Kamo gabos na nagpaplano nin karatan para sa iba mapapahamak kan saindo man sanang plano. An Kagurangnan mismo an magibo kaiyan; magtitios kamo nin makuring kasakitan.

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Isaias 9:9

An gabos na tawo sa Israel, an gabos na nag-eerok sa syudad nin Samaria, makakaaram na siya an naggibo kaini. Ngunyan mapaabaw-abaw asin mapalangkaw na nagsasabi sinda,

Jeremias 25:29

Popoonan ko an pagraot sa sadiri kong syudad. Naghohona daw sinda na dai sinda mapapadusahan? Papadusahan sinda huli ta mapadara ako nin gera sa gabos na tawo sa kinaban. Ako, an Kagurangnan nin mga hukbo, an nagtaram.

Jeremias 50:18

Huli kaini, ako, an Kagurangnan nin mga hukbo, an Dios nin Israel, an mapadusa ki Hadeng Nebukadnezzar nin Babilonia asin sa saiyang nasyon, siring na ako an nagpadusa sa emperador nin Asiria.

Jeremias 50:32

Masisingkog saka matutumba ka, mapaabaw-abaw na nasyon, asin mayo nin mabangon saimo. Susuloon ko an saimong mga syudad, asin raraoton ko an gabos na nasa palibot mo.”

Ezekiel 31:10

“Kaya ako, an Kagurangnan Dios, an nagtataram saimo kun ano an mangyayari sa kahoy na iyan na naghalangkaw sagkod na an poro nakaabot sa mga panganoron. Mantang naghahalangkaw iyan, nagin mapaabaw-abaw man.

Ezekiel 31:14

Kaya magpoon ngunyan, maski marahay an patubig, mayo nang kahoy na mahalangkaw nin marahay saka mapaabot kan saiyang poro sa mga panganoron. Gabos iyan magagadan arog sa mga tawo; gabos natatalaga sa pakiiba sa mga yaon sa kinaban nin mga gadan.”

Daniel 11:45

Papatindogon niya an saiyang garo mga palasyong tolda sa pagultanan kan dagat asin bukid na natutugdokan kan Templo. Alagad magagadan siyang mayo nin saro duman na matabang saiya.”

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Mga Bilang 24:24

Alagad madatong an mga barko hale sa Chipre Tanganing saindang sakopon an Asiria asin an Eber Alagad sa kataposan mapapara sinda sagkod lamang.”

Mateo 12:33

“An marahay na kahoy, marahay man an bunga; an maraot na kahoy, maraot man an bunga. An kahoy namimidbid sa bunga.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?