Isaias 1:30 - Marahay na Bareta Biblia

³⁰ Makakaarog kamo sa hamurawon na naluluyos an dahon, asin siring sa tatamnan na mayo nin tubig.

Isaias 1:30 ပူးပေါင်းရင်းမြစ်များ

Genesis 12:6

nagpadagos pa sa paglakaw si Abram sagkod na makaabot siya sa sagradong kahoy nin More, an banal na lugar sa Shekem. (Kaidtong panahon duman pa nag-eerok an mga Cananeo.)

Isaias 5:6

Papabayaan kong magtalubo an mga doot; dai ko iyan tatakrasan ni babayoboon, kundi papataluboon ko an mga tonok. Pagbobotan ko an mga dampog na dai maghulog nin uran duman.”

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Isaias 64:5

Inaako mo an mga tawong nakakakua nin kaogmahan sa paggibo kan tama, sa mga naggigiromdom kun paano mo boot sindang mamuhay. Naanggot ka samo, alagad nagpadagos kami sa pagkakasala; poon pa kaidtong panahon nagpadagos kami sa paggibo kan maraot maski anggot ka nin marahay.

Isaias 64:6

Gabos kami nagkasala; maati maski an pinakamarahay ming gibo. Huli kan samong mga kasalan nakakaagid kami sa mga dahon na naaalang asin ipinapalid kan doros.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Ezekiel 17:24

An gabos na kahoy sa daga makakaaram na ako an Kagurangnan. Pinapalod ko an mga halangkaw na kahoy asin pinapahalangkaw an mga hababang kahoy. Pinapaalang ko an mga berdeng kahoy, asin pinapangagin berde an mga alang na kahoy. Ako, an Kagurangnan, an nagtaram, asin gigibohon ko iyan.”

Mateo 21:19

Nakahiling siya nin kahoy na higera sa gilid kan tinampo kaya dinolok niya idto. Alagad mayo siyang nahiling na bunga kundi mga dahon sana. Kaya minaldisyon niya idto, “Dai ka na mamumunga sagkod lamang!” Naalang tolos an kahoy na higera.