Isaias 1:29 - Marahay na Bareta Biblia

²⁹ Magbabasol kamo huli ta nagsamba kamo sa mga kahoy asin nag-ataman kamo nin banal na mga tatamnan.

Isaias 1:29 ပူးပေါင်းရင်းမြစ်များ

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 31:7

Maabot an panahon na itatapok nindo an makasalan nindong mga dios-dios na saindong ginibo hale sa plata saka sa bulawan.

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Isaias 45:16

An mga naggigibo nin mga ladawan mapapasopog asin mawawaraan nin onra.

Isaias 57:5

Sinasamba nindo an mga dios-dios huli sa pakikidorog sa tangod kan sagrado nindong mga kahoy. Idinodolot nindo an saindong mga aki bilang sakripisyo sa mga magapong lungib na harani sa mga sapa.

Isaias 65:3

Daing sopog na pinapaanggot ninda ako. Nagdodolot sinda nin paganong mga sakripisyo sa banal na mga tatamnan asin nagtututong sinda nin mga insenso sa mga paganong altar.

Isaias 66:17

Nagsasabi an Kagurangnan, “Harani na an kataposan para sa mga nagrilinig kan saindang sadiri para sa paganong pagsasamba, sa mga tawong nagduduman sa banal na mga tatamnan, asin sa mga nagkakakan nin karne nin orig saka kino patin mga maating kakanon.

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Ezekiel 36:31

Dangan magigiromdoman nindo an maraot nindong mga ugale saka mga gawe. Mauuyam kamo sa saindong sadiri huli kan saindong mga kasalan asin kasombikalan.

Ezekiel 6:13

An saindang mga bangkay magkakawararak sa palibot kan mga altar sa kaibahan kan mga dios-dios, magkakawararak sa lambang halangkaw na bulod, sa alitoktok kan lambang bukid, sa lindong nin lambang berdeng kahoy asin lambang madahon na hamurawon, sa lambang lugar na pinagdolotan ninda nin sakripisyo para sa saindang mga dios-dios. Dangan maaaraman ninda gabos na ako an Kagurangnan.

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Oseas 4:13

Nagdodolot sinda nin mga sakripisyo sa sagradong mga lugar sa ibabaw nin kabukidan, asin nagsusulo sinda nin insenso sa lindong nin mga haralangkaw saka marambong na mga kahoy sa kabubuldan, huli ta marahay an lindong duman! “Huli kaini, naglilingkod bilang mga maraot na babae an saindong mga aking babae, asin nagpapasambay an saindong mga manugang na babae.

Oseas 4:19

Dadarahon sinda sa harayo na garo ipinalid kan doros, asin magkakasoropog sinda huli kan saindang paganong mga sakripisyo.

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!