Isaias 1:25 - Marahay na Bareta Biblia

²⁵ Ibibikyaw ko tumang saimo an sakong kamot asin lilinigan taka kan saimong ati siring sa paglinig sa metal kan gabos na ati diyan.

Isaias 1:25 ပူးပေါင်းရင်းမြစ်များ

Salmo 119:119

An gabos na maraot na tawo sa daga ibinibilang mong basura; kaya namomotan ko an saimong mga katukdoan.

Isaias 1:22

Jerusalem, kaidto arog ka sa plata alagad ngunyan mayo ka na nin halaga. Kaidto arog ka sa managom na arak, alagad ngunyan tubig ka na sana.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 4:4

Huli kan saiyang kapangyarihan, huhukoman saka lilinigan nin Kagurangnan asin huhugason niya an kasalan nin Jerusalem saka an dugo na pinabulos duman.

Jeremias 6:29

Mainit nang marahay an pugon, alagad dai pa natutunaw an ati kan metal. Mayo nin halaga an magpadagos sa paglinig kan sakong banwaan, huli ta an mga maraot dai nahahale.

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Jeremias 9:7

Huli kaini minasabi an Kagurangnan nin mga hukbo, “Lilinigan ko an sakong banwaan asin babaloon ko sinda. Huli ta ano pa an sakong magigibo para sa banwaan kong naggibo nin karatan?

Ezekiel 20:38

Hahaleon ko sa tahaw nindo an mga rebelde asin an mga makasalan. Hahaleon ko sinda sa mga daga na pinag-eerokan ninda, alagad dai ko sinda papabalikon sa daga nin Israel. Dangan maaaraman nindo na ako an Kagurangnan.”

Ezekiel 22:19

Kaya ako, an Kagurangnan Dios, an nagtataram na garo sinda ati nin metal. Titiponon ko sinda sa Jerusalem

Ezekiel 22:20

siring na tinitipon nin mga tawo an lata, bronse, lansang, saka timga sa sarong horno tanganing tunawon. Tutunawon ko man sinda kan sakong labi-labing kaanggotan.

Ezekiel 22:22

Matutunaw sinda sa Jerusalem siring na an plata natutunaw sa sarong horno; dangan maaaraman ninda na an saindang namamatean iyo an kaanggotan nin Kagurangnan.”

Sofonias 3:11

Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

Malakias 3:3

Maabot siya sa paghukom siring sa sarong naglilinig asin nagpapagayon nin plata. Siring na linilinigan nin sarong alahero an plata saka bulawan, lilinigan man kan sugo nin Kagurangnan an mga padi, tanganing magdara sinda sa saiya kan tamang mga dolot.

Mateo 3:12

May dara siyang saligsigan nganing saligsigon an gabos na inani. An paroy titiponon niya sa saiyang harong-harong, alagad an ata susuloon niya sa kalayong dai nasisigbo.”

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.