Isaias 1:24 - Marahay na Bareta Biblia

²⁴ Kaya nagsasabi an Kagurangnan, an Makakamhan nin Israel: “Pahuhugpaon ko an sakong kaanggotan sa sakong mga kaiwal, asin mabalos ako.

Isaias 1:24 ပူးပေါင်းရင်းမြစ်များ

Genesis 49:24

Alagad nagin masarig an saiyang pana; Pinakosog an saiyang braso Kan kapangyarihan kan Makakamhan na Dios ni Jacob, Kan Pastor, an Gapo nin Israel.

Salmo 132:2

Giromdoma, Kagurangnan, an saiyang sumpa, an panuga na ginibo niya saimo, Makakamhan na Dios ni Jacob.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 30:29

Alagad kamo, banwaan nin Dios, magigin maogma asin mag-aawit kamo siring kan saindong ginigibo sa pagkabanggi nin sarong banal na pyesta. Magigin maogma kamo siring sa mga naglalakaw sa tugtog kan plawta pasiring sa Templo nin Kagurangnan, an Gapo nin Israel.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Isaias 63:4

Napaghorophorop ko na duminatong na an panahon tanganing iligtas an sakong banwaan; panahon tanganing padusahan an saindang mga kaiwal.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 9:9

Dai ko daw sinda papadusahan huli kan mga bagay na ini? Dai ko daw babaloson an siring na nasyon? Ako, an Kagurangnan, an nagtaram.”

Ezekiel 16:42

Dangan mahahale an sakong kaanggotan asin matotoninong ako. Dai na ako maaanggot asin mag-iimon.

Ezekiel 21:17

Maupak man ako, asin mawawara an sakong kaanggotan. Ako, an Kagurangnan, an nagtaram.”

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 5:13

“An gabat kan sakong kaanggotan mamamatean mo sagkod na makontento ako. Kun mangyari na an gabos na ini, maaaraman mo na ako, an Kagurangnan, an nagtaram saimo huli ta anggot ako sa saimong bakong pagkamaimbod.

Mikas 5:15

Dangan sa labi-labi kong kaanggotan mabalos ako sa mga nasyon na dai nagkuyog sa sako.”

Deuteronomio 28:63

Kun gurano nagin maogma an Kagurangnan sa pagpauswag asin pagpadakul saindo, siring man an saiyang magigin kaogmahan sa pagraot saka pagtunaw saindo; gagaboton niya kamo duman sa daga na saindong lalaogon dangan sasadirihon.

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

Hebreyo 10:13

Duman naghahalat siya sagkod na an saiyang mga kaiwal gibohon nin Dios na tungtongan kan saiyang mga bitis.

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”