Isaias 1:22 - Marahay na Bareta Biblia

²² Jerusalem, kaidto arog ka sa plata alagad ngunyan mayo ka na nin halaga. Kaidto arog ka sa managom na arak, alagad ngunyan tubig ka na sana.

Isaias 1:22 ပူးပေါင်းရင်းမြစ်များ

Salmo 119:119

An gabos na maraot na tawo sa daga ibinibilang mong basura; kaya namomotan ko an saimong mga katukdoan.

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Oseas 4:18

Pakainom nin dakul na arak, nawiwilihan ninda an pakikidorog sa bako nindang agom; boot pa ninda an kasosopgan ki sa onra.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

2 Corinto 2:17

Bako kaming arog sa ibang tawo na an paghulit kan tataramon nin Dios garo sana pagpabakal nin baratong paninda; sinugo kami nin Dios, kaya tudok sa puso kaming nagtataram sa atubangan niya bilang sorogoon ni Cristo.