Isaias 1:21 - Marahay na Bareta Biblia

²¹ Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 1:21 ပူးပေါင်းရင်းမြစ်များ

2 Samuel 8:15

Naghade si David sa bilog na Israel; tinawan niya nin hustisya asin katanosan an saiyang banwaan.

2 Mga Cronica 19:9

Hinulitan niya sinda, “Otobon nindo an saindong katongdan na may pagkatakot sa Kagurangnan, sa kaimbodan asin sa bilog nindong puso.

Nehemias 11:1

Nag-erok sa Jerusalem an mga lider kan banwaan, asin an iba nagripa tanganing magpili nin sarong pamilya, sa lambang grupo nin sampolong pamilya, na iyo an maerok sa banal na syudad nin Jerusalem, mantang an siyam na pamilya na dai napili duman maerok sa ibang mga syudad saka banwa.

Salmo 46:4

Igwa nin sarong salog na nagpapaogma sa syudad nin Dios, sa banal na harong kan Kahorohalangkawe.

Salmo 48:1

Dakula an Kagurangnan asin maninigong pag-omawon sa syudad nin satong Dios, sa banal niyang bulod.

Salmo 48:8

Siring sa samong nadangog, siring man an samong nahiling sa syudad nin Kagurangnan nin mga hukbo, sa syudad nin satong Dios, syudad na papatindogon nin Dios sagkod pa man.

Isaias 1:22

Jerusalem, kaidto arog ka sa plata alagad ngunyan mayo ka na nin halaga. Kaidto arog ka sa managom na arak, alagad ngunyan tubig ka na sana.

Isaias 26:10

Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Isaias 48:2

Alagad nag-oorgulyo kamo sa pagsabi na mga namamanwaan kamo kan banal na syudad, asin nananarig kamo sa Dios nin Israel, na Kagurangnan nin mga hukbo an ngaran.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 59:14

Inaalaw an hustisya, asin dai nakakadolok an katanosan. An katotoohan napapadungkal sa plasa, asin dai nakakakua nin lugar duman an pagkaonesto.

Isaias 59:15

Kadikit na sana an katotoohan kaya an siisay man na minaontok sa paggibo nin karatan iyo an nagigin biktima nin krimen.” Nahiling ini nin Kagurangnan, asin namondo siya huli ta mayo na nin hustisya.

Isaias 59:3

An saindong mga kamot nadigtaan nin dugo asin an saindong mga muro nadigtaan nin kadahasan; mga putikon kamo asin mga madaya.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Oseas 11:12

Nagsasabi an Kagurangnan, “Mga kaputikan saka pandadaya an ipinalibot sako kan banwaan nin Israel. An mga taga Juda padagos na nagrerebelde laban sako, an maimbod asin banal na Dios.

Habakkuk 1:4

Maluya saka mayong kamugtakan an katogonan, kaya dai nangyayari an hustisya. Napapalibotan kan mga tampalasan an mga matanos kaya nabibiko an hustisya.

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Lukas 13:34

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki arog kan paglukob nin sarong gunakan sa saiyang mga siwo, alagad habo ka!

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.

Kapahayagan 11:8

asin mahuhutad an mga bangkay ninda sa dalan kan dakulang syudad, na inaapod man Sodoma, o Egipto, saen ipinako an saindang Kagurangnan.

Kapahayagan 17:1

Dangan nagdolok sako an saro kan pitong anghel na may pitong mangko asin nagsabi, “Madya, ipapahiling ko saimo an padusa kan pinakamaraot na babae—an dakulang syudad na nakatugdok harani sa dakul na salog.