Isaias 1:18 - Marahay na Bareta Biblia

¹⁸ “Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 1:18 ပူးပေါင်းရင်းမြစ်များ

An Libro ni Job 9:33

Alagad mayo nin siisay man na matindog sa samong pagultanan— mayong mahukom sa Dios asin sa sako.

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Salmo 51:9

Hare paghilinga an sakong mga kasalan; paraa an sakong mga kasombikalan.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 3:13

Andam an Kagurangnan sa pagpahayag kan saiyang kaso; nagtitindog siya sa paghukom sa saiyang banwaan.

Isaias 41:1

Nagsabi an Dios, “Pag-alo kamo asin pagdangog sako, kamo na mga harayong daga! Mag-andam kamo sa pagdara kan saindong kaso sa hukoman; tatawan kamo nin panahon na magtaram. Magtiripon kita tanganing maaraman ta kun siisay an tama.

Isaias 41:21

An Kagurangnan, an hade nin Israel, nagsasabi kaini: “Kamong mga dios-dios kan mga nasyon, sangatan nindo an saindong kaso. Ipahayag nindo an saindong pinakamarahay na depensa!

Isaias 44:22

An saimong mga kasalan pinara ko siring sa panganoron. Magbalik ka sako; ako an nagligtas saimo.”

Isaias 50:8

huli ta harani an Dios, asin patotoohan niyang mayo akong kasalan. Igwa daw nin mangangahas na magsumbong tumang sakuya? Duman kami maghilingan sa korte! Darahon niya an saiyang sumbong!

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Ezekiel 18:27

Kun an sarong maraot na tawo mag-ontok sa pagkakasala asin maggibo nin matanos saka marahay, iliniligtas niya an saiyang buhay.

Ezekiel 33:16

Papatawadon ko an mga kasalan na saiyang ginibo, asin mabubuhay siya huli ta ginibo niya an matanos saka tama.

Mikas 6:2

Kamong mga bukid, asin kamo na nagdadanay na mga pundasyon kan daga; dangoga nindo an reklamo nin Kagurangnan. An Kagurangnan igwa nin reklamo laban sa saiyang banwaan. Sasangatan niya nin kaso an Israel.

Mga Gibo 17:2

Siring sa dati niyang ugale, naglaog si Pablo sa sinagoga. Sa laog nin tolong semana, nakipagdebate siya sa mga tawo pag-aabot kan aldaw na Sabbath. An pinagbasaran niya iyo an mga Kasuratan.

Mga Gibo 18:4

Lambang Sabbath, nakikipagdiskutiran siya duman sa sinagoga sa paghingowang makombenser niya an mga Judio saka an mga Griyego.

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Roma 5:20

An Katogonan itinao tanganing dugangan an kasalan; alagad mantang nagdadagdag an kasalan, nag-oorog man an biyaya nin Dios.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.

1 Samuel 12:7

Tindog kamo sa saindong namumugtakan, asin susudyaon ko kamo sa atubangan nin Kagurangnan huli sa pagpagiromdom saindo kan mapangyaring gibo nin Kagurangnan sa pagligtas saindo asin sa saindong mga ginikanan.