Isaias 1:15 - Marahay na Bareta Biblia

¹⁵ Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Isaias 1:15 ပူးပေါင်းရင်းမြစ်များ

1 Mga Hade 8:22

Dangan sa panhiling kan bilog na banwaan, nagtindog si Solomon sa atubangan kan altar; initaas niya an saiyang mga kamot

1 Mga Hade 8:54

Nakaluhod si Solomon sa atubangan kan altar asin nakaitaas an saiyang mga kamot mantang namimibi. Kan matapos an saiyang pamibi,

Esdras 9:5

Kan oras na kan pagdolot kan pangbangging sakripisyo, nagtindog ako hale sa pagmondo asin mantang sulot ko pa an gisi kong gubing saka alikboy nagluhod ako asin initaas ko an sakong mga kamot sa pagpamibi sa Kagurangnan na sakuyang Dios.

An Libro ni Job 27:20

Maabot sainda an mga katakotan siring sa sarong baha; pagkabanggi, dadarahon sinda nin sarong aripuros.

An Libro ni Job 35:13

Totoong gayo na dai dinadangog an mayong halagang inagrangay; dai sinda hihilingon ni dadangogon kan Makakamhan na Dios.

Salmo 134:2

Iitaas nindo an saindong mga kamot sa banal na lugar asin omawon nindo an Kagurangnan!

Salmo 55:1

Dangoga an sakong pamibi, O Dios; dai mo pagtalikodan an sakong pakimaherak!

Salmo 66:18

Kun rinimpos ko sana sa puso an sakong mga kasalan, dai kutana ako dinangog nin Kagurangnan.

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Isaias 4:4

Huli kan saiyang kapangyarihan, huhukoman saka lilinigan nin Kagurangnan asin huhugason niya an kasalan nin Jerusalem saka an dugo na pinabulos duman.

Isaias 45:15

An Dios nin Israel, na nagliligtas kan saiyang banwaan, sarong Dios na dai nagpapahiling.

Isaias 58:4

Kun an saindong pag-ayuno minabunga nin mga pag-iriwal, sa paghona nindo dadangogon ko an saindong mga pamibi?

Isaias 58:7

Hirasan nindo nin pagkakan an mga nagugutom asin pasakaton nindo sa saindong mga harong an mga dukhang mayo nin harong. Tawan nindo nin gubing an mga mayo, asin dai kamo magsayuma sa pagtabang sa saindong mga kadugo.

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Isaias 8:17

Hahalaton ko an Kagurangnan, na nagtatago kan saiyang lalawogon sa saiyang banwaan, asin ibubugtak ko an sakong paglaom saiya.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Ezekiel 11:6

Ginadan nindo an dakul na tawo digdi sa syudad, asin an mga tinampo napano kan saindang mga bangkay.

Ezekiel 14:3

“Aki nin tawo, idinusay kan mga lalaking ini an saindang puso sa mga dios-dios, asin tinutugotan ninda an mga ini na darahon sinda sa kasalan. Naghohona daw sinda na sisimbagon ko sinda?

Ezekiel 39:23

Maaaraman man kan mga nasyon na itinapok an mga Israelita huli kan mga kasalan na saindang ginibo tumang sako. Tinalikodan ko sinda asin itinao sa kamot kan saindang mga kaiwal, dangan ginadan sinda kaini sa gera.

Oseas 5:6

Dadarahon ninda an saindang mga karnero saka baka tanganing idolot bilang mga sakripisyo sa Kagurangnan, alagad dai iyan makakatabang sainda. Dai ninda siya makukua, huli ta binayaan na niya sinda.

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Mateo 6:7

“Kun namimibi kamo, dai kamo maggamit nin dakul na tataramon na mayo man sana nin kahulogan, arog kan ginigibo kan mga pagano. Paghona ninda, dadangogon sinda nin Dios huli ta kadakul kan itinataram ninda.

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

1 Timoteo 2:8

Kaya mawot ko na sa lambang pagtiripon saen man na lugar, an mga lalaki dapat na mamibi, mag-itaas nin kamot, mayong raot sa boot o kaanggotan sa kapwa.